Kommune-Stat-Rapportering (Gieldda-Stáhta-Raporteren)
Almmustahtton: 30.08.2021 | Gielda- ja guovlodepartemeanta
KOSTRA (KOmmune-STat-RApportering) lea nationála diehtojuohkinvuogádat mii addá stivrendieđuid gieldda ja fylkkagieldda doaimma birra.
Dieđut (1) gieldda ja fylkkagieldda bálvalusaid, (2) resurssageavaheami birra iešguhtege bálvalussurggiid resurssageavaheami ja (3) álbmoga iešvuođaid birra, registrerejuvvojit ja ovttastahttojuvvojit addin dihte relevánta dieđuid gieldda, fylkkagieldda ja stáhta mearrideddjiide. Dieđut galget addit buoret vuođu gielddaid ja fylkkagielddaid guorahallamiidda, plánemii ja stivremii ja addit vuođu árvvoštallat olahit go nátionála mihttomeriid. Dasa lassin galget ovttaskas olbmot, berošteaddjijoavkkut, media ja earát sáhttit gávdnat dieđuid gielddaid ja ja gielddaid ja fylkkagielddaid bálvalusaid ja resurssageavaheami birra .
KOSTRA lea leamaš geatnegahtton gielddaide ja fylkkagielddaide 2001rájes. Okta KOSTRA ulbmiliin lei ahte álkedit (fylkka)gielddaid raporterema stáhtii dainna lágiin ahte dáhtaid raporteret dušše oktii, muhto ahte seamma dáhtaid sáhttá atnit iešguđetge áigumušaide eará oktavuođain. Buot raporteren (fylkka)gielddain Statistisk sentralbyråi (SSB:ii) (Statistihkalaš guovddášdoaimmahahkii) dahkko dál elektrovnnalaš dáhtalonohallamiin.
SSB almmuha (fylkka)gielddaid reviderekeahtes loguid njukčamánu 15. beaivvi, ja divvojuvvon loguid geassemánu 15. beaivvi. Reviderekeahtes loguin mat ilbmet njukčamánu 15. beaivvi, sáhttet leat boasttuvuođat. (Fylkka)gielddain lea vejolašvuohta divodit boasttuvuođaid ja váilevuođaid ovdal cuoŋománu 15. beaivvi, ja SSB (SGD) čađaha kvalitehtadárkkistemiid ja revidere dáhtamateriála ovdal go loahpalaččat almmuha daid geassemánu 15. beaivvi.
Čoavddaloguin ovttastahttojuvvojit dáhtat mat raporterejuvvojit njuolga (fylkka)gielddain SSB:ii (SGD:ii) ja logut vižžojuvvon eará nátionála registariin olggobealde SSB (SGD).
Gielddat ja fylkkagielddat raporterejit rehketdoallodieđuid ja dieđuid bálvalusaid birra stáhtii SSB:a bokte. Dáhtat mat leat raporterejuvvon, almmuhuvvojit SSB. A birra vuođđodáhtan dahje oktii časkon ja almmuhuvvon čoavddalohkun.
Čoavddalogut ja vuođđodáhtat galget veahkehit addit ássiide, mediai, alcces gielddasuorgái, stáhtii ja earáide, vejolašvuođa oažžut dieđuid eanaš doaimmaid birra gielddain ja fylkkagielddain. Dát dieđut galget maiddái váikkuhit rabasvuhtii, čađačuovgivuhtii ja addit vejolašvuođa buoridit gielddasuorggi bálvalusfálaldaga.
Váldobagadus addá dieđuid ja njuolggadusaid funkšuvnnaid ja šlájaid (art) juogu birra (gielddaid resurssageavaheami birra) KOSTRA rehketdoalloraporteremis. Stáhtahálddašeaddji ja Gieldda- ja ođasmahttindepartemeanta vástidit dađistaga konttuplánajearaldagaid bagadeaddjái.
Njuolggadusat raporterema birra KOSTRAS
Gielddaláhka geatnegahttá gielddaid ja fylkkagielddaid addit departementii dađistaga dieđuid resurssageavaheami ja bálvalusaddima birra geavahan várás nationála diehtojuohkinvuogádagain.