Davviriikkalaš ovttasbargu lea sihke politihkalaččat, ekonomalaččat ja kultuvrralaččat vuođđuduvvon. Davviriikkalaš ministarráđđi gokčá eanas stuora servodatsurggiid ja lea organiserejuvvon 12 ministarráđđái mat deaivvadit jahkásaččat. Ovttasbargu lea dasa lassin vuođđuduvvon ámmátdási fágakomiteaide.

Davviriikkalaš ovttasbarggu vuolggasadji lea ahte galget bargat surggiiguin main oktasaš davviriikkalaš áŋgiruššan duddjo lassiárvvu davviriikkaide ja daid ássiide.

Davviriikkalaš searvevuohta bargá nanu Davviriikkaid ovddas máilmmis ja lea mávssolaš aktevra eurohpalaš ja máilmmiviidosaš ovttasbarggus. Oktasaš árvvut riikkaidgaskasaččat leat mielde nanneme Davviriikkaid sajádaga leat okta máilmmi eanemus innovatiiva, gilvonávccalaš ja dásseárvosaš guovlun.

Davviriikkalaš ráđđi ásahuvvui 1952:s, Davviriikkalaš ministarráđđi ásahuvvui 1971:s. Helssetšiehtadus (Helsingforsavtalen), mii lea ovttasbargu gaskal Dánmárkku, Suoma, Islándda, Norgga ja Ruoŧa, vuolláičállui 1971:s.