Riikkaidgaskasaš aktivitehta viiddida Norgga dáidaga ja kultuvrra olaheami. Dat sáhttá addit dáiddáriidda ja kulturbargiide vejolašvuođa eambbo dinet. Riikkaidgaskasaš doaibma sáhttá maid lasihit eksporterendietnasiid ja addit stuorát ekonomalaš guoddevašvuođa aktevrraide, ovdamearkka dihte eksporterejeddji, ealáhuspolitihkalaš áŋgiruššama bokte.

Norgga kultuvrra ovddideapmi eará riikkain ja ođđa márkaniin lea maid dehálaš dasa ahte ovddidit beroštumi Norgii eará surggiin go kultuvrras. Kultuvrras iešheanalaš ovdanbuktimis lea dehálaš rolla beagginbarggus. Kultuvrralaš aktivitehta mii lea čuožžilan Norggas, lea hábmejuvvon demokráhtalaš kulturpolitihka rámmaid siskkobealde ja guoddá maid Norgga demokráhtalaš árbevieruid ja árvvuid. Dainna lágiin sáhttá dáidda ja kultuvra leat veahkkin ovddidit beroštumi gaskka dollama prinsihpa mielde. Riikkaidgaskasaš ovttasbargu lea dehálaš dáidaga ja kultuvrra iešárvui. Kultuvrralaš ja kreatiiva sektorat sáhttet maid leat dehálaš movttiideaddjit eará servodatsurggiide, ovdamearkka dihte sosiála ja ekonomalaš ovdáneapmái. Dáidaga ja kultuvrra olggosfievrrideapmi sáhttá dainna lágiin leat mielde ovddideame olgoriikkapolitihkalaš ja ealáhuspolitihkalaš mihtuid.

Mihttu lea earret eará dehálaš doarjagiidda NAA:ide ja UD doarjagiidda ovddidit kultuvrra (eará dep.).