Lotteriija- ja vuođđudusbearráigeahčču dárkkista ja goziha ahte oktovuoigatvuođafállit Norsk Tipping ja Norsk Rikstoto ja priváhta ruhtaspealloaktevrrat čuvvot gustovaš njuolggadusaid. Dasa lassin meannuda bearráigeahčču ohcamušaid joavkkuin ja organisašuvnnain mat áigot lágidit ruhtaspealuid.

Bearráigeahčus lea mávssolaš bargu eastadit heajos váikkuhusaid ruhtaspeallofálaldagain Norggas, ja vára váldit sis geain lea speallandávda. Dasa lassin galgá bearráigeahčču sihkkarastit ahte ruhtaspeallandienas manná ideála ulbmiliidda.

Bearráigeahčču lea maid Grasrotandela bearráigeahččoorgána ja goziha ruhtaspeallansuorggi ruhtabassanlága vuođul.

Lotteriija- ja vuođđudusbearráigeahčus leat dasa lassin eará doaimmat mat eai leat čadnon ruhtaspeallopolitihkkii, nu go bearráigeahččat ja dárkkistit vuođđudusaid vuođđuduslága vuođul, ja hálddašit ortnegiid main eaktodáhtolaš searvvit ja organisašuvnnat eai dárbbaš máksit lassiárvodivada ja main falástallanrusttegiin ožžot lassiárvodivada ruovttoluotta máksot.

Eambbo dieđut Lotteriija- ja vuođđudusbearráigeahču bearráigeahččan- ja dárkkistanbarggu birra gávnnat dáppe:  

Speallandávda  

Speallandávdda sáhttá defineret dakkár gillámuššan ahte olmmoš speallá dávjá, ja jus máŋgii leat geavvan dáhpáhusat speallamiin, mat leat váikkuhan olbmo eallimii nu ahte leat čuohcan sosiála beallái, bargui, materiála- ja bearašdilálašvuođaide. Dehálaš ulbmil ruhtaspeallolágain lea suddjet nuoraid dahje eará olbmuid hearkkes dilis boasttugeavaheami vuostá dahje dan vuostá ahte darvánit ruhtaspealuide.

Doaibmaplána speallanváttisvuođaid ektui áigodahkii 2026-2029 lea čihččet plána jagi 2005 rájes. Doaibmaplána váldoulbmilat leat:

  1. Unnimus lági mielde olbmuin galget leat speallanváttisvuođat
  2. Ruhtaspelliid, geain leat váttisvuođat, galgá árrat identifiseret ja sidjiide addit buori divššu
  3. Diehtu speallama ja speallanváttisvuođaid birra galgá lasihuvvot ja juhkkojuvvot

Álbmotiskkadeapmi

Lotteriija- ja vuođđudusbearráigeahčču čađaha jeavddalaččat álbmotiskkadeami mii guoská speallanváttisvuođaide. Maŋemus iskkadeapmi almmuhuvvui 2023.  

Spealat go don dahje muhtin gean dovddat ollu?

Blå Kors (Alit Ruossa) doaimmaha searválaga Lotteriija- ja vuođđudusbearráigeahčuin oktavuođatelefovnna olbmuide geain leat ruhtaspeallanváttisvuođat. Geahča maiddái Norsk Tippinga siiddu jierpmálaš speallama birra.