– 2026 eelki tjåetskeme vearaldinie enn sïejhme jïh vaenie lopme vaerine Åarjel-Nöörjesne. Ektesne dej sturremigujmie mijjieh daelie vuejnebe energimaarhnesne leah meatan mijjieh daan jaepien jollebe straejmieåasah åtneme goh seamma boelhkesne dej minngemes jaepiej. Barkijekrirrien mïelen mietie dle vihkeles almetjh jearsoesvoeten utnieh beetnehbongken åvteste, jïh dah edtjieh maehtedh åvtelhbodti straejmiereeknegh veeljedh. Dan åvteste mijjieh Nöörjenåasam buektiehtibie straajman jïh maajebaahkese, energiministere Terje Aasland jeahta.

Nöörjenåasam eelki rïhkeden 1.b. 2025 jïh lea jïjtjevyljehke, staate finansijeereme öörnege, mij gåetieguntide vielie daajroes maaksoeh vadta straejmien jïh maajehbaahken åvteste. Gåetieguntieh maehtieh Nöörjenåasam veeljedh straejmien jïh maajehbaahken åvteste dovne gåetesne jïh hæhtjosne.

Ryöknemh vuesiehtieh almetjh giej straejmien Nöörjenåasa leah spååreme vielie goh 8,5 millijardh kråvnah voestes njealjehtsjaepesne 2026. Spååreme lea gåetieguntide jïh eejehtallemegåetide. Taalh leah spotåasajgujmie viertiestamme. Gåetieguntieh mah straejmiedåarjoeh utnin spåårin medtie 2,8 millijardh kråvnah seamma boelhken.

Åasadajve

Nöörjenåasa inkl. mva.

Straejmiedåarjoe inkl. mva.

NO1

4 609 661 656 kråvnah

1 022 659 360 kråvnah

NO2

2 842 995 404 kråvnah

369 649 911 kråvnah

NO3

142 059 139 kråvnah

806 783 684 kråvnah

NO4

380 390 kråvnah

305 587 206 kråvnah

NO5

963 111 902 kråvnah

268 637 495 kråvnah

Totalt

8 558 208 492 kråvnah

2 773 317 657 kråvnah

Ryökneme dåarjoe (Straejmien jïh straejmiedåarjoen Nöörjenåasa) 1. njealjehtsjaepesne åasadajvine.

– Dah taalh vuesiehtieh Nöörjenåasa jïh straejmiedåarjoe vuelebe straejmiereeknegh vedtieh mestie almetjh jienebh beetnegh aajmene åadtjodh. Daate vihteste Nöörjenåasa daerpies, jïh almetjh jearsoesvoetem utnieh dej beetnegi åvteste daennie tïjjine, Aasland jeahta.

Voerhtjen 27. b. 2026 lin bijjelen 1,6 millijovnh dongkemh Nöörjenåaseste. Medtie 75 prosenth gåetieguntijste jïh 80 prosenth hæhtjoste Åarjeljillie-Nöörjesne (NO2) leah Nöörjenåasa tjaalasovveme. Daate vuesehte Nöörjenåasa lea hijven dåastoehtamme desnie gusnie straejmieåasah stööremes orreme.

Duekie

Rïhkeden 1. b. 2025 raejeste golken 31. b. 2026 raajan dle Nöörjen åasa lea 40 ööre kilowatttæjmoen åvteste ekskl. vielievierhtiemaaksoe. Jis Nöörjenåasam dongkedh dellie lea stillememierie goeven 31.b. 2026 raajan. Jaepien 2027 raejeste tjoerh eadtjohkelaakan orresistie dongkedh jis annje sïjhth Nöörjenåasam utnedh.

Öörnege naemhtie jåhta guktie staate (viermiesïelten tjïrrh) dam lissiem maaksa gosse straejmieåasa maarhnesne Nöörjenåasan bijjelen. Gosse faamoeåasa lea vueliehkåbpoe enn Nöörjenåasa, dellie datne dam joekehtsem maaksah goske 40 ööreh per kWh ekskl. Mva., Nöörjenåasine datne dan åvteste iktegisth 40 ööreh maaksah fïerhten kWh;en ekskl. va. åvteste, seamma saaht åasa maarhnesne. Straejmieåestijidie lea nehtemaaksoe, maaksoeh jïh gaajhkh lissiemaaksoeh lissine, jearohke straejmielatjkoste. Maajehbaahkeåestijh aaj lissiemaaksoeh åadtjoeh, guktie daan biejjien. Dah mah eah sïjhth Nöörjenåasam hïejmesne veeljedh, læjhkan el-faamoedåarjoem åadtjoeh

Guktie Nöörjenåasam dongkedh straejmien jïh maajehbaahken åvteste?

Maahta Nöörjenåasam straejmien åvteste dongkedh minside.elhub.no tjïrrh. Datne tjoerh elektrovneles ID:m utnedh juktie sïjse loggedh jïh Nöörjenåasam dongkedh. Gåetieguntieh maehtieh Nöörjenåasam dongkedh abpe jaepien. Nöörjenåasa lea faamosne don biejjeste datne dongkeme.

Gåarede aaj Nöörjenåasam dongkedh straejmien åvteste gosse dov voenges nehtesïeltem bïeljelidh, mij lea guejmie Nöörjenåasine. Doh nehtesïelth leah dah mah straejmienehtide eekedh jïh gorredidh. Datne nehteleejjemem maaksah nehtesïeltese juktie straejmie dov hïejmese båata. Jis ih daejrieh mij dov nehtesïelte, maahtah dan minngemes straejmiefakturam vuartasjidh gusnie tjåådtje mïsse nehteleejjemem maaksah.

Nöörjenåasa maajehbahkese dongkedh daesnie norgespris-fjernvarme.no, jallh dan maajehbaahkesïeltesne mejnie latjkoem åtnah. Jis datne gåetieseabresne årroeh (gåetiesiebrie, gåetieaksjesïelte, aajhtereseksjovneektievoete jïh ij leah seksjoneereme gåetieektievoete) dle gåetiesïelte sïejhmemes maajehbaahkeåestije, jïh ij fïerhte årromeektievoete. Dïhte sæjhta jiehtedh gåetiesïelte tjuara sjæjsjalidh mij öörnege edtja årrodh, jïh dagke Nöörjenåasam dongkedh gaajhkide gåetieleejjide. Vielie bïevnesh Nöörjenåasaj bïjre maajehbaahkese daesnie gaavnh: Naemhtie datne Nöörjenåasam dongkh maajehbaahkese - NVE

Vielie bïevnesh Nöörjeåasan bïjre maahtah daesnie gaavnedh:
Gyhtjelassh jïh vaestiedassh Nöörjeåasan bïjre

Daate goerelæstoe Energidepartemeenteste maahta våaroeminie årrodh gosse edtjh vuarjasjidh mejtie Nöörjenåasa lea reaktoe dutnjien: