– Sámi giellavahkku lea deaŧalaš dasa ahte min sámegielaid čalmmustahttet priváhta ja almmolaš ásahusat, ealáhusat, organisašuvnnat ja earát. Giellavahkku lea oktasaš giellalokten máŋgga riikkas. Mun sávan oallugat dohppejit dán liibba čalmmustahttit sámegielaid, lohká gieldda- ja guovlluministtar Bjørnar Skjæran (Ap).

Sámi giellavahkku lea mielde čalmmustahttime ja gilvime eanet dieđuid sámegielaid birra. Ráđđehus dáhttu ahte sámit galget beassat ovddidit iežaset giela, kultuvrra ja servodateallima.

Dán jagi stuoradiggedieđáhus sámegielaid, kultuvrra  ja servodateallima birra lea suohkaniid ja fylkkasuohkaniid ovddasvástádusa birra addit buriid ja dásseárvosaš bálvalusaid sámi álbmogii.  

Sámi politihkkár ja ministtar čužžot govvemii olggobealde Oarje-Ruovdemáđiija hálla
Samediggeráđđelahttu Maren Benedicte Nystad Storslett ja gielda- ja biireministtar Bjørnar Selnes Skjæran galledeigga maŋŋebárgga olgogovvačájáhusa Oslos. Govva: Marit Aaberg/KDD

– Ráđđehus atná deaŧalažžan ahte sámi mánát ja nuorat galget beassat bajásšaddat servodagas gos sin iežaset kultuvrras, gielas ja identitehtas lea lunddolaš sajádat. Stuoradiggedieđáhus čájeha ahte olu suohkanat aktiivvalaččat barget dan ovdii ahte áimmahuššat mánáid ja nuoraid kultuvra- ja giellarivttiid, lohká gieldda- ja guovlluministtar.

Miehtá vahkku leat iešguđetlágan lágideamit miehtá riikka. Daid gávnnat dán neahttasiiddus:

Dán vahkku lea departemeanta ceggen almmolaš šilljui govvačájáhusa mii lea buohkaide rabas. Dán jagi lea čájáhusbáikin Christian Frederiks plass Østbanehálla olggobealde, Oslos. Čájáhusa lea hábmen designafitnodat Árvu ja lea Árbi/Arv prošeavtta ođasmahttin: «Giella lea min árbi. Dalle, dál ja boahtte buolvvaide».

Buorre giellavahkku! Buorre giellavahkko! Buerie gïelevåhkoe!