Sámit

Fáddá

Ráđđehusa ulbmil lea ahte sámit galget beassat ovddidit gielaset, kultuvrraset ja servodagaset. Sámegielaid, sámi kultuvrra ja árbevieruid seailluheapmi lea Norgii dehálaš ja riggodahkan. Ráđđehus háliida sámegielaid ovddideamis váikkuhit dasa ahte riikkaid gaskasaš ovttasbargu šaddá nu buorre go vejolaš. Dasto áigu ráđđehus ovddidit sámi ealáhuseallima – maiddái mátkeealáhusa – vuođđuduvvon kultuvrii ja árbevirolaš sámi ealáhusaide. Ráđđehus áigu Sámedikki seailluhit ja ráđđádallanortnega Sámedikki, Stuoradikki ja ráđđehusa gaskka.

Sámegiela geavaheapmi

Sámegiella galgá leat ealli giella. Sámegiela árjjalaš ja lassáneaddji geavaheapmi lea dehálaš oassi sámi kultuvrra viidáset ovdáneamis. Dehálaš lea ahte sámegiella geavahuvvo almmolaš oktavuođain, ja ahte almmolaš diehtojuohkin heivehuvvo sámeálbmogii ge. Sámegielat siiddut ráđđehusa neahttasiidduin leat deháleamos kanála man bokte dieđut ráđđehusas ja departemeanttain juhkkojuvvojit sámegillii.

Konsultašuvdnageatnegasvuohta sámi áššiin

Álgoálbmogin sámiin lea vuoigatvuohta konsulterejuvvot áššiin mat gusket sidjiide. Ráđđehus ja Sámediggi leat šiehtadan prosedyraid mo dákkár konsultašuvnnat galget čađahuvvot. Álgoálbmogiid vuoigatvuohta jerrojuvvot áššiin mat njuolgga váikkuhit sidjiide, čuožžu ILO-konvenšuvnnas nr 169 álgoálbmogiid ja olmmoščearddaid birra iehčanas riikkain, 6. artihkkalis.

Vuoigatvuođalávdegotti čielggadeami čuovvuleapmi

Ođđasit nammaduvvon Sámi vuoigatvuođalávdegoddi geigii čielggadusas juovlamánus 2007 (NAČ 2007: 13 ja NAČ 2007: 14), ja departemeanttat leat dál bargamin dan čuovvulemiin.

Gullevaš fáttát ja ipmárdusat

Áigeguovdil dál

Stuoradiggedieđáhus sámi gielaid, kultuvrra ja servodateallima birra

21.06.2019: − Ráđđehus almmuha odne stuoradiggedieđáhusa sámi gielaid, kultuvrra ja servodateallima birra – boahtteáigái ráhkkaneaddji dieđáhus sámepolitihka birra. Sávvamis dieđáhus lohkkojuvvo ja divaštallojuvvo, ja ahte mii oažžut ollu buriid oaiviliid mo sámepolitihka galggašii ovddidit boahttevaš jagiid, dadjá gielda- ja ođasmahttinministtar Monica Mæland.

Aarborten tjïelte – suohkana namma sámegillii

14.06.2019: Stáhtaráđđi lea geassemánu 14.b. mearridan ahte Aarborte suohkana almmolaš namma sámegillii galgá leat Aarborten tjïelte.

Maŋimuš ođđasat

Fáddái guoskevaš áššit

Dokumeanttat

Meld. St. 31 (2018–2019)

Sámi giella, kultuvra ja servodateallin

Sápmelaččat leat dohkkehuvvon álgoálbmogin Norggas. Vuođđolága § 108 mielde lea ráđđehusas mihttu láhčit diliid dainna lágiin ahte sápmelaččat besset sihkkarastit ja ovdánahttit gielaset, kultuvrraset ja servodateallimiiddiset.

Maŋemus dokumeanttat

Oza dokumeantta

Oktavuohta

Sámi ja minoritehtapolitihkalaš ossodat

Telefovdna: 22 24 71 75
Čujuhus: Postboks 8112 Dep., 0032 Oslo
Galledančujuhus: Akersgt. 59, Oslo

Bajás