Nationála unnitlogut

Fáddá

Olmmošjoavkkut main guhká lea leamaš čatnaseapmi riikii, meroštallojuvvojit nationála unnitlohkun. Norggas dakkár olmmoščearddat leat kvenat, juvddálaččat, meahccesuopmelaččat, romaálbmot ja romániálbmot/táhterat.Nasjonale minoriteterNorga deattasta ulbmiliid mat leat čállojuvvon Eurohpáráđi rámmakonvenšuvdnii nationála unnitloguid suodjaleami birra ja Unnitlohkogielaidlihttui. Eiseválddit háliidit lagaš gulahallama organisašuvnnaiguin mat ovddastit nationála unnitloguid nu ahte unnitlogut besset ovddidit iežaset oaiviliid.

Nationála unnitloguid ja guovddáš eiseválddiid gulahallanforum

Gulahallanforum lea deaivvadansadji gos nationála unnitloguid organisašuvnnat ja guovddáš eiseválddit deaivvadit. Forumis ovddiduvvojit unnitloguid oktasašáššit, ja áirasat iešguhtet nationála unnitlogujoavkkuin ožžot vejolašvuođa gaskaneaset divaštallat iešguđetlágan áššiid. Forum lágiduvvo dábálaččat juohke jagi.

Politihkalaš vuođđu nationála unnitloguid ektui

Olmmošjoavkkut main guhká lea leamaš čatnaseapmi Norgii meroštallojuvvojit nationála unnitlohkun. Norggas dakkár olmmoščearddat leat juvddálaččat, kvenat/norggasuopmelaččat, romálbmot (sigøynarat), romániálbmot/táhterat ja meahccesuopmelaččat.

Unnitlohkogielaidlihttu

Sámegiella, kvenagiella, románesgiella ja románigiella leat meroštallojuvvon unnitlohkogiellan Norggas, ja danne Unnitlohkogielaidlihttu daid suodjala. Unnitlohkogielaidlihttu deattasta ahte Eurohpá historjjálaš regiuvdnagielaid ja unnitlohkogielaid suodjaleapmi váikkuha Eurohpá kultuvrralaš riggodaga ja árbevieruid bisuheapmái ja ovddideapmái. Norggas doaibmagođii Unnitlohkolihttu 1998.

Áigeguovdil dál

Maŋimuš ođđasat

Fáddái guoskevaš áššit

Bajás