Nationála unnitloguid ja guovddáš eiseválddiid gulahallanforum
Artihkal | Maŋimuš ođasmahttojuvvon: 27.09.2021 | Gielda- ja guovlodepartemeanta
Gulahallanforum lea deaivvadansadji gos nationála unnitloguid organisašuvnnat ja guovddáš eiseválddit deaivvadit. Forumis ovddiduvvojit unnitloguid oktasašáššit, ja áirasat iešguhtet nationála unnitlogujoavkkuin ožžot vejolašvuođa gaskaneaset divaštallat iešguđetlágan áššiid. Forum lágiduvvo dábálaččat juohke jagi.
Gulahallanforum ásahuvvui 2003:s Eurohpáráđi gohččuma mielde. Foruma ulbmil lea nationála unnitloguid eanet čalmmustahttit, nannet gulahallama unnitloguid ja eiseválddiid gaskka ja addit unnitloguide vejolašvuođa ovddidit iežaset oaiviliid eiseválddiide. Čoahkkimiin almmuhuvvojit maid áigeguovdilis dieđut eiseválddiid bealis.
Gulahallanforumii bovdejuvvojit erenoamážit dat organisašuvnnat mat ožžot vuođđodoarjaga Gielda- ja guovlodepartemeantta doarjjaortnega bokte.
Gulahallanforuma čoahkkimiid lassin lágida departemeanta iešguhtetlágan čoahkkimiid ovtta ja ovtta organisašuvnnain dahje oktanaga buot organisašuvnnaiguin dárbbu mielde – ovdamearkka dihtii riikkaidgaskasaš konvenšuvnnaid raporteremiid oktavuođas.
