Unnitlohkogielaidlihttu

Almmustahttináigodat

Almmustahtti: Bargo- ja searvadahttindepartemeanta

Sámegiella, kvenagiella, románesgiella ja románigiella leat meroštallojuvvon unnitlohkogiellan Norggas, ja danne Unnitlohkogielaidlihttu daid suodjala. Unnitlohkogielaidlihttu deattasta ahte Eurohpá historjjálaš regiuvdnagielaid ja unnitlohkogielaid suodjaleapmi váikkuha Eurohpá kultuvrralaš riggodaga ja árbevieruid bisuheapmái ja ovddideapmái. Norggas doaibmagođii Unnitlohkolihttu 1998.

Eurohpálaš lihttu regiuvdna- dahje unnitlohkogielaid birra mearriduvvui 1992. Norga vuolláičálii Unnitlohkogielaidlihtu 1993, ja dat gustogođii njukčamánu 1. beaivvi 1998 rájes. Norga lea okta 17 riikkas (2005:s) mat leat vuolláičállán giellalihtu.  

Unnitlohkogielaidlihttu meroštallá regiuvdna- ja unnitlohkogiellan daid gielaid maid leat hállan árbevirolaččat stáhta dihto eanaviidodaga siskkobealde, dakkár historjjálaš čearddaid stáhtalahtut geat leat unnitlogus stáhta oppa álbmoga ektui.  

Norga lea meroštallan dáid gielaid Norgga regiuvdna- dahje unnitlohkogiellan:

  • Sámegiella
  • Kvenagiella
  • Románesgiella
  • Románigiella

Unnitlohkogielaidlihttu deattasta ahte Eurohpá historjjálaš regiuvdna- dahje unnitlohkogielaid gáhtten váikkuha Eurohpá kultuvrralaš riggodaga ja árbevieruid seailluheapmái ja ovddideapmái. Unnitlohkogielaidlihtus leat dárkilet ja viidáset njuolggadusat giellavuoigatvuođaid birra go dat njuolggadusat mat leat Rámmakonvenšuvnnas nationála unnitloguid birra.  

Eurohpáráđi siidu unnitlohkogielaidlihtu birra

Čakčamánu 26. beaivi lea Eurohpá giellabeaivi

Odne leat eanet go 200 iešguđetlágan eurohpálaš giela, daid gielaid lassin maid eará nannámiid giellajoavkkut vel hállet. Giellašláddjiivuođa ávvudeapmin ja eanet gielaid hálddašeami ovdamunnin ásahuvvui The European Day of Languages 2001. Olmmoš ii leat goassege menddo boaris oahppat ođđa giela ja návddašit eanet gielaid hálddašeami ovdun, lea ávžžuhus. Loga eanet