Sámegiela geavaheapmi
Sámegielat galget leat ealli gielat, mat geavahuvvojit aktiivvalaččat. Danin lea dehálaš láhčit dili dasa ahte sámegielaid sáhttá geavahit daid vuogádagain, maid mii dábálaš eallimis geavahit. Sámegielaid galget maid geavahit almmolaš oktavuođain, ja almmolaš diehtojuohkima galgá heivehit sámeálbmogii.
Dieđut sámegielaid birra
Sámegielat, maid Norggas eanemustá hállet, leat davvisámegiella, máttasámegiella ja julevsámegiella. Dat leat dovddastuvvon Norgga unnitlogugiellan, ja Eurohpáráđi unnitlogugielaid lihttu suodjala daid.
Sámegielat almmolaš hálddašeamis
Sámelága giellanjuolggadusat addet sámegielagiidda, dihto oktavuođain ja guovlluin, vejolašvuođa geavahit sámegiela go gulahallet almmolaš ásahusaiguin.
Sámegiella ja giellateknologiija
Vai sámegielat sáhttet eallit ja leat aktiiva gielat, de fertejit gielat sáhttit geavahuvvot árgabeaivválaš oktavuođain. Sámi giellateknologiijain ovddidit, ahte sámegiela geavaheaddjit besset geavahit reaidduid, mat álkidahttet sámegiela geavaheami árgabeaigiellan ja ahte sámegiela bustávaid sáhttá geavahit almmolaš dihtorvuogádagain.