Gielda- ja guovlodepartemeantta ovddasvástádus sámegielain
Artihkal | Maŋimuš ođasmahttojuvvon: 04.05.2022 | Gielda- ja guovlodepartemeanta
Gielda- ja guovlodepartemeanttas lea váldoovddasvástádus hálddašit sámelága giellanjuolggadusaid ja bálddalastit ráđđehusa barggu Eurohpá guovlo- ja unnitlogugielaid lihtu (unnitlogugielaidlihtu) ovdii.
Kultur- ja dásseárvodepartemeanttas lea ovddasvástádus giellapolitihkas fágadepartemeantan, ja das lea iešguđet surggiide guoskevaš, bajit dási ovddasvástádus hábmet, dulkot ja ovddidit Norgga giellapolitihkalaš ulbmiliid. Buot fágadepartemeanttain lea ovddasvástádus sámegielas iežaset fágasurggiin.
Gielda- ja guovlodepartemeantta ovddasvástádus lea:
- ovddidit sámegielaid politihkkasuorggi
- fuolahit sámásteddjiid vuoigatvuođain
- čuovvulit Norgga riikkaidgaskasaš geatnegasvuođaid
Sámedikki ovddasvástádus lea bargat Norggas hállojuvvon sámegielaid gáhttemiin ja ovddidemiin, nu mo sámelága § 3-12 cealká.