Konsultašuvdnageatnegasvuohta sámi áššiin

Almmustahttináigodat

Almmustahtti: Bargo- ja searvadahttindepartemeanta

Álgoálbmogin sámiin lea vuoigatvuohta konsulterejuvvot áššiin mat gusket sidjiide. Ráđđehus ja Sámediggi leat šiehtadan prosedyraid mo dákkár konsultašuvnnat galget čađahuvvot. Álgoálbmogiid vuoigatvuohta jerrojuvvot áššiin mat njuolgga váikkuhit sidjiide, čuožžu ILO-konvenšuvnnas nr 169 álgoálbmogiid ja olmmoščearddaid birra iehčanas riikkain, 6. artihkkalis.

Álgoálbmogin lea sámiin vuoigatvuohta jerrojuvvot sidjiide guoski áššiin. Dát vuoigatvuohta čuožžu ILO-konvenšuvnnas nr. 169 iehčanis stáhtaid álgoálbmogiid ja olmmoščearddaid birra, 6. artihkkalis. Šiehtadusas stáhta ja Sámedikki gaskasaš konsultašuvnnaid čađahanvugiid birra, man vuollai gielda- ja guovloministtar ja sámediggepresideanta čáliiga miessemánu 11. beaivvi 2005, leat mearriduvvon dárkilet vuogit mo konsultašuvnnat Sámedikkiin galget čađahuvvot. Sámedikki dievasčoahkkin dohkkehii čađahanvugiid geassemánu 1. beaivvi 2005. Gonagaslaš resolušuvnnain suoidnemánu 1. beaivvi 2005 nannejuvvui ahte sohppojuvvon prosedyrat galget gustot oppa stáhtahálddahussii.

Stáhta eiseválddiin soaitá maiddái leat geatnegasvuohta čađahit konsultašuvnnaid eará sámi beroštumiiguin ge go Sámedikkiin. Dát gusto erenoamážit áššiide mat gusket sámi ealáhusaide, nu mo boazodollui.

STÁHTA EISEVÁLDDIID JA SÁMEDIKKI GASKASAŠ KONSULTAŠUVNNAID PROSEDYRAT