Boazodoalu ođđa digitála mearkaregisttar
Ođas | Almmustahtton: 15.09.2022 | Eanadoallo- ja biebmodepartemeanta
Eanandoallodirektoráhtta almmustahttá odne boazodoalu ođđa mearkaregistara. Mearkaregistarii ásahuvvo digitála čoavddus, mii lea heivehuvvon mobiilageavaheapmái ja doaibmá maiddái neahta haga. Das sáhttá ohcat dieđuid boazoeaiggáda nama, mearkka ja orohaga vuođul.
– Lean hui movtta go dál viimmat sáhttit almmustahttit boazodoalu digitála mearkaregistara. Registtar lea mávssolaš ja ealáhusas leat váillahan dakkára. Dieđuid geahčadančoavddus lea maid ovdamearka das mo ealáhusa ovddidit digitála vugiiguin. Dat čájeha ahte ealáhus ráhkkana boahtteáigái ja geavahišgoahtá ođđa hutkosiid, dadjá eanandoallo- ja biebmoministtar Sandra Borch.
- Loga eanet "Mearkka" birra, boazodoalu ođđa digitála mearkaregistara birra - Eanandoallodirektoráhtta
Eanandoallo- ja biebmodepartemeanta nannii čakčamánu álggus ođđa láhkaásahusa bohccuid merkema birra, ja das lea ođđa digitála mearkaregistara láhkavuođđu. Láhkaásahusa ulbmil lea seailluhit boazodoalu árbevirolaš merkenvugiid ja -hámiid geavaheami, ja láhčit mearkkaid badjeolbmuid geavahussii beaivválaš barggu várás.
