Ráđđehus vuoruha gearggusvuođa, biebmolasáhusa ja biebmobuvttadeami ollu. Eanandoalu- ja biebmodepartemeantta bušeahta váldooassi lea čadnon ealáhusšiehtadusaide eanandoaluin ja boazodoaluin. Støre-ráđđehusa áigodagas leat juolludeamit eanandollui eanandoallošiehtadusa bokte lassánan lagabui 97 proseanttain. Eanandoallošiehtadusa bokte jotkojuvvo áŋgiruššan eanandollui. Ollislaš ruhtasirdimat 2027 stáhtabušeahtas meroštallojuvvojit dahkat 33,4 miljárdda ruvnno.

– Dakkár áiggis go máilmmis lea ráfehisvuohta ja eambbo eahpesihkkaris lágideamit, de jotkkolaš biebmobuvttadeapmi lea mearrideaddjin mearrideaddji našuvnnalaš doarjja gearggusvuhtii, dadjá eanandoalu- ja biebmoministtar Nils Kristen Sandtrøen (BB).

Dán jagáš eanandoallošiehtadus addá eanet dienasvejolašvuođaid og vuođu buoridit ja lasihit šattuid, ruotnasiid, gortniid buvttadeami ja roavvafuođđarbuvttadeami. Seammás galgá bisuhit norgga alla oasi buvttadeamis bierggu, moniid ja mielkki.

Sohppojuvvon eanandoallošiehtadus joatká maiddái nannosit vuoruhit luondu-, biras- ja dálkkádatdoaimmaid. Dása juolluduvvo 12,4 miljárdda ruvnno. Dálkkádaga áigumuššiehtadus gaskal stáda ja organisašuvnnain ja eanandoalu organisašuvnnaid lea vuođđun ráđđehusa dálkkádatbargui.

Dán jagáš boazodoallošiehtadusa rámma lea 275 miljovnna ruvnno, lassána 25 miljovnna 2025/2026 Boazodoallošiehtadusa ektui. Stuorámus lasáhus leat njuolggodoarjagiin boazoeaiggádiid da

– Šiehtadusa vuoruheamit ovddida boazodoalu guoddevaš ealáhussan ja doarju ealáhusbargiid geain lea boazodoallu váldodoaibman, dadjá eanandoallo- ja biebmoministtar Nils Kristen Sandtrøen.

Biebmobearráigeahču nannen

Dálá geopolitihkalaš dilis lea ovttasbargu ja EEO-šiehtadus dehálaš vai vuhtiiváldit norgga beroštumiid buoremus lági mielde. Biebmosuorgi lea stuorámus suorgi EEO-šiehtadusas go guoská galle juridihkalaš dokumeanta váldojit mielde jahkásaččat. Ráđđehus evttoha lasihit juolludeami Biebmobearráigehččui 20 miljovnna ruvnnuin EEO-šiehtadusa čuovvolanbargui. Ollislaš juolludeapmi Biebmobearráigehččui lassána sullii 70 miljovnna ruvnnuin, dat maid galgá gokčat bálká- ja haddegoargŋuma.

– Biebmobearráigeahčču lea dehálaš gearggusvuođaorganisašuvdna ja das lea ovddasvástádus biebmodorvvolašvuhtii, elliid- ja šaddodearvvašvuhtii. Fuolahan dihte norgga beroštumiid, de lea mávssolaš bargat bures sihke váikkuhemiin ja sisagođđit ođđa njuolggadusaid dadjá eanandoallo- ja biebmoministtar Nils Kristen Sandtrøen.

Vuovdedoallu

Maŋemus jagiid leat investeremat vuovdekultuvrii ja vuovdedoalu infrastruktuvrii lassánan. Vuovdedoalu infrastruktuvrra ovdáneapmi dimbbarkájaiguin ja geainnuiguin lea deaŧalaš ealáhusa gánnáhahttimii. Guovddáš dimbbarkájat leat dál huksejuvvon, ja juolludeapmi dán vuođul evttohuvvo vuoliduvvot 31,1 miljovnna ruvnnuin 2027:s.

Evttohuvvon juolludeapmi vuovde- ja dálkkádatdoaimmaide lea 57,8 miljovnna ruvnno 2027:s. Poasta lea vuoliduvvon earret eará go vuovdedukten vuordimis ii šatta nu ollu. Divron duktahattit dagahit ahte doaibma ii leat šat nu bivnnut.

– Váikko ruhtadárbu vuovdeduktemii lea geahppánan, de ráđđehus deattuha dálkkádatdoaimmaid nugo dikšut látnjasa ruđaiguin mat leat dán poasttas, dadjá eanandoallo- ja biebmoministtar Nils Kristen Sandtrøen.

Eanandoallošiehtadusas dahká juolludeapmi vuovdedollui 289,5 miljovnna ruvnno. Dát lea 10 miljovnna ruvnno lassáneapmi jahkái 2027.

Doarjja organisašuvnnaide

Ráđđehus evttoha 53,3 miljovnna ruvnno juolludeami juohkásan 33 organisašuvdnii nationála dásis Eanandoallo-ja biebmodepartemeantta ulbmilsuorggis. Juolludeapmi lea 1,9 miljovnnain lasihuvvon 2026 rájes, vurdojuvvon haddegoargŋuma mielde.

Juolludeapmi lea maid dehálaš bargui mas galgá addit eanet mánáide ja nuoraide máhtu ja beroštumi ráhkadit biepmu álggu rájes, buhtes norgga vuođđoávdnasiiguin. Nannet áŋgiruššama biebmo- ja dearvvašvuođafágii skuvllas lea ovdamearkan dasa, dadjá Sandtrøen.