– Lea buorre go Sálat háliida áŋgiruššat sámi giela ja kultuvrra gaskkustemiin ja ovddidemiin gielddas. Ráđđehus doaivu ahte dát mielddisbuktá sihke eanet doaimmaid ja beroštumi sámegillii báikkálaš servodagas ja ahte giella oažžu alit árvvu ja dohkkeheami. Mun sávan gildii lihku deaŧalaš bargguin, cealká gielda- ja guovloministtar Bjørnar Skjæran.

Laktin mielddisbuktá ahte ruhtajuolludus lassána Sámediggái, mii addá doarjaga hálddašanguovllu gielddaide. Sámediggi mearridii geassemánus ođđa málle movt meroštallat doarjaga gielddaide. Bušeahttalassáneami vuođđun lea Sámedikki gaskaboddasaš doarjjameroštallan Sálat gildii.

Ođđajagimánu 1. b. 2024 oaččuimet njuolggadusaid mat leat buorebut heivehuvvon daid iešguđetge gielddaid gielladiliide ja dárbbuide. Ásahuvvojedje golbma gieldakategoriija main lei iešguđetlágan vuoigatvuođadássi. Kategoriija giellamovttiidahttingielda galgá earret eará fátmmastit gávpotgielddaid ja gielddaid gosa sámi álbmot lea eanas fárren ja main ii leat seamma čanastupmi sámegillii, dahje gos guovlu lea garrasit dáruiduvvan.

Sálat ozai laktojuvvot 2023:s.