Ovddasvástádussuorggit

Departemeantta ovddasvástádus lea kultuvra-, mediat-, falástallan- ja ruhtaspealut- ja vuorbádanáššit, oskku-ja eallinoaidnoservodagat ja ovttasdoaimmahit stáhta politihka mii guoská eaktodáhtolaš suorgái servodagas.

Kulturministtar lea departemeantta hoavda ja politihkalaš jođiheaddji. Stáhtaráđis leat stáhtačálli ja okta politihkalaš ráđđeaddi geat buohkat leat politihkalaččat nammaduvvon. Departemeantaráđđi lea alimus fásta ámmátolmmoš ja son lea departemeantta hálddahusa jođiheaddji. Juohke 5 ossodaga jođiheaddji lea ekspedišuvdnahoavda.

Barggut

Departemeantta barggut juohkásit golmma váldosuorgái

Stáhtaráđi čállingoddi: Departemeanta galgá politihkalaš jođiheddjiid veahkehit hábmet politihka ja alimus dási plánaid maid mielde politihkka galgá čađahuvvot guđege suorggis, doarjut gulahallama gaskal Stuoradikki ja Ráđđehusa ja ovdandivvut dehálaš eaŋkiláššiid politihkalaš jođiheddjiide.

Áimmahuššat hálddašanbargguid: Departemeanta galgá bargat daid hálddašanbargguid mat gullet departemeantta vuollái ja galgá leat váiddaásahus ja alimus dási ásahus mas lea váldi loahpalaččat geahčadit duomuid ja mearrádusaid maid olgguldas etáhtat leat meannudan.

Stivret ja čuovvut vuolitdási doaimmaid: Departemeanta galgá ráhkadit mihttomeriid, mearridit rámmaid, bagadallat ja čuovvut vuolit etáhtaid bohtosiid guoskevaš lágaid ja regeliid ja politihkalaš váldonjuolggadusaid mielde.