Vásttolaš bušeahtta mii addá oadjebasvuođa olbmuide miehtá Norgga
Reviderejuvvon bušeahtas vuoruha ráđđehus dehálaš čálgobargguid nugo dearvvašvuođa, politiijaid ja báhtareddjiid vuostáiváldima. Almmolaš doaimmahusat ja sii, geat vuostáiváldet ovdduid, ožžot buhtadusa alla hadde- ja bálkágoargŋuma ovddas. Ráđđehus lasiha doarjaga Ukrainai Nansen-prográmma bokte.
Reviderejuvvon nationálabušeahta 2023 váldologut
Ruhtadandepartemeanta almmuha muhtun váldologuid ovdalgo reviderejuvvon nationálabušeahtta almmuhuvvo diibmu 10.45, vai buohkat besset árvvoštallat dieđuid, mat sáhttet leat sensitiiva gálvomárkana ektui. Dárkileappot meroštallan almmuhuvvo bušeahtas.