ILO-konvenšuvdna eamiálbmogiid vuoigatvuođaid birra

ILO-konvenšuvnna nr 169 eamiálbmogiid ja čearddalaš álbmogiid hárrái iešmearrideaddji riikkain váldoprinsihppa lea eamiálbmogiid vuoigatvuohta seailluhit ja ain ovddidit iežaset kultuvrra, ja eiseválddiid geatnegasvuohta čađahit doaibmabijuid mat dorjot dán barggu. Norga čálii vuollái konvenšuvnna 1990.

ILO-konvenšuvnna nr 169 eamiálbmogiid ja čearddalaš álbmogiid hárrái iešmearrideaddji riikkain váldoprinsihppa lea eamiálbmogiid vuoigatvuohta seailluhit ja ain ovddidit iežaset kultuvrra, ja eiseválddiid geatnegasvuohta čađahit doaibmabijuid mat dorjot dán barggu. Norga čálii vuollái konvenšuvnna 1990.

ILO-konvenšuvnnas nr 169 eamiálbmogiid ja čearddalaš álbmogiid hárrái iešmearrideaddji riikkain leat čielga mearrádusat das ahte eamiálbmogiin leat vuoigatvuođat ieža beassat mearridit iežaset kultuvrralaš ovdáneami, beassat oahppat geavahit iežaset giela ja beassat vuođđudit iežaset ásahusaid mat galget sin ovddastit eiseválddiid ektui. Konvenšuvdna dohkkeha viidáseappot eamiálbmogiid sávaldagaid ja dárbbuid hálddašit iežaset ásahusaid, iežaset eallinvuogi ja ekonomalaš ovdáneami. Dát mielddisbuktá ahte fertejit dohkkehit eamiálbmogiid háliidusa bisuhit ja ain ovddidit iežaset identitehta, giela ja oskku, daid stáhtaid rámaid siskkobealde main sii ellet. Konvenšuvnnas leat dasto mearrádusat earret eará eanavuoigatvuođaid, barggaheami ja bargoeallima, oahpahusa, oaju ja dearvvašvuođa birra.

Norga vuolláičálii – vuosttaš riikan  – ILO-konvenšuvnna nr 169 stuoradiggemearrádusain geassemánu 7. b. 1990, ja dat doaibmagođii geassemánu 20. b. 1991. Dalle mearriduvvui ahte konvenšuvdna Norggas guoská sámiide.

 

Konvenšuvdna nr. 169 Eamiálbmogiid ja čearddalaš álbmogiid hárrái iešmearrideaddji riikkain

ILO siidu álgoálbmogiid birra