Bioteknologiija - láidehus

Bioteknologiija čilgejuvvo leat «buot teknologiija mii geavaha mikroorganismmaid, šaddo-, ealli- ja humána seallaid». Dearvvašvuođa- ja fuolahusdepartemeanttas lea ovddasvástádus bioteknologiija oassái mii guoská humána seallaide, ja maiddái genateknologiijalága oassái.

Bioteknologiija lea čilgejuvvon «buot teknologiija mii geavaha mikroorganismmaid, šaddo-, ealli- ja humána seallaid».

Dearvvašvuođa- ja fuolahusdepartemeanttas lea ovddasvástádus dan oassái bioteknologiijas mii guoská humána seallaide. Lagabut muddemiid dás gávdnat bioteknologiijalágas (lovdata.no) ja biobáŋkolágas (lovdata.no).

Dušše olbmuid

Bioteknologiijaláhka mudde duššefal bioteknologiija humána-medisiinnalaš geavaheami, namalassii dat mii guoská olmmošseallaide.  

Lágas leat earret eará njuolggadusat dáid áššiid birra:

  • veahkkesahkkehus
  • sahkemoniid dutkan
  • klonengielddus
  • ohkediagnostihkka
  • sahkemoniid genehtalaš iskamat
  • genehtalaš iskkadeamit maŋŋel riegádeami
  • genaterapiija

Sadji buohkaide

Bioteknologiijalága ulbmilparagráfas čuožžu ahte bioteknologiija medisiinnalaš geavaheami galgá ávkkástallat buoremussan olbmuide dakkár servodagas gos buohkaide lea sadji.

Dan galgá doaimmahit dan prinsihpa vuođul ahte gudnejahttá olmmošárvvu, olmmošvuoigatvuođaid ja persovnnalaš integritehta, iige galgga vealahit árbeláhtu vuođul min oarjemáilmmi kulturárbbi ehtalaš norpmaid bokte.

Dearvvašvuođadirektoráhtta galgá dohkkehit bioteknologalaš doaimma. Dearvvašvuođa- ja fuolahusdepartemeanttas lea maiddái ovddasvástádus genateknologiijalága (lovdata.no) njuolggadusaide mat gusket klonemii ja genamodifiserejuvvon organismmaide laboratiijas ja rusttegiin.

Bioteknologiijalávdegoddi

Bioteknologirådet (bioteknologiradet.no) lea sorjjasmeahttun ráđđeaddi orgána man ráđđehus lea nammadan, ja gulaskuddanásahus Norgga eiseválddiide áššiin mat gusket ođđaáigásaš bioteknologiijai.

Lávdegoddi galgá veahkehit diehtojuohkimiin álbmogii ja hálddašeapmái, ja ovddidit ehtalaš ja servodatlaš váikkuhusaid digaštallama ođđaáigásaš bioteknologiija geavaheami oktavuođas.