Nationála ruđat dáidda- ja kulturulbmiliidda juolluduvvojit vuosttažettiin departemeantta bušeahta bakte. Stuorimus oassi departemeantta juolludeamis dáidda- ja kulturulbmiliidda manná ásahusaide mat ožžot bistevaš jahkásaš doaibmadoarjaga. Dát leat ásahusat main buori muddui lea iešheanalaš mearridanváldi iežas ulbmilsuorggis, oktan dábálaš láidestusaiguin maid Stuorradiggi ja ráđđehus mearridit.

Kulturpolitihkalaš mearridanvuogádahkii leat ásahuvvon máŋga ortnega maid fágaguimmiid orgána hálddaša seagutkeahttá sisdollui, muhto dáidda- ja kulturfágalaš árvvoštallamiid vuođul. Stuorámus dain lea Norgga kulturfoanda, man Kulturráđđi hálddaša.