Kulturpolitihkka
Artihkal | Maŋimuš ođasmahttojuvvon: 24.08.2021 | Kultur- ja dásseárvodepartemeanta
Kultur- ja dásseárvodepartemeanttas lea ovddasvástádus ovdánahttit nationála kulturpolitihka juridihkalaš ja ekonomalaš váikkuhangaskaomiid bakte.
Nationála ruđat dáidda- ja kulturulbmiliidda juolluduvvojit vuosttažettiin departemeanta bušeahta bakte. Stuorimus oassi departemeanta juolludeamis dáidda- ja kulturulbmiliidda manná ásahusaide mat ožžot bistevaš jahkásaš doaibmadoarjaga. Dát leat ásahusat main buori muddui lea iešheanalaš mearridanváldi iežas ulbmilsuorggis, ja dábálaš láidestusaiguin maid Stuorradiggi ja ráđđehus mearridit.
Oassin kulturpolitihkalaš mearridanvuogádagas de leat ásahuvvon máŋga organisašuvnna main ulbmil lea hálddašit ruđaid mat juhkkojuvvojit dáidda- ja kulturfágalaš árvvoštallama vuođul. Stuorimus dain lea Norgga kulturráđđi.