Kulturovttasbargu davviguovlluin
Artihkal | Maŋimuš ođasmahttojuvvon: 20.01.2026 | Kultur- ja dásseárvodepartemeanta
Kultur- ja dásseárvodepartemeanta lea veahkkin ovdánahttime kulturovttasbarggu rájiid rastá davvin. Dat dahkko dakko bokte ahte doarjja addojuvvo riikkaidgaskasaš doaimmaide maid ollu Davvi-Norgga aktevrrat čađahit, ja ahte ruhtadeapmi addojuvvo ovttasbargoprošeavttaide. Doarjagat leat ráđđehusa davviguovloáŋgiruššama doarjjan. Eamiálbmogiid kultuvra lea guovddážis.
Doarjaga bokte kulturprográmmii Barentskult ruhtaduvvojit Norgga, Ruoŧa ja Suoma kulturaktevrrat. Prográmma ruhtaduvvo ovttas KDD:in ja Nordlándda, Romssa ja Finnmárkku fylkasuohkaniiguin.
Departemeanta bargá maid nannejuvvon kulturovttasbarggu ovddas davviguovlluin dan bokte go oassálastá Barentsráđđái (BEAC), Davvi Dimenšuvnna Kultursearvevuhtii (NDPC) ja Nuortamearraráđđái (CBSS). Departemeantta doarjja riikkaidgaskasaš arenai Arctic Arts Summit. Arctic Arts Summit doarju ovttasbarggu ovdáneami rájiid rastá miehtá sirkumpolára davviguovllus.
Ruošša lobihis aggrešuvdnasoađi dihte Ukraina vuostá ii fátmmas davviguovloáŋgiruššan ovttasbarggu Ruoššain eiseváldedásis.