Ovttadássásašvuođa, vealaheami ja riikkaidgaskasaš áššiid ossodat

Kultur- ja dásseárvodepartemeanta

Ovttadássásašvuođa, vealaheami ja riikkaidgaskasaš áššiid ossodagas lea sektor- ja koordinerenovddasvástádus politihkkasurggiide mat gusket ovttadássásašvuhtii ja vealaheapmái, ja ovddasvástádus čuovvolit riikkaidgaskasaš konvenšuvnnaid ja riikkaidgaskasaš bargguid dan suorggis. Ossodaga ovddasvástádussii gullet maid vel ovddasvástádus ovttadássásašvuođa- ja vealaheami suorggit, kultuvrralaš máŋggabealatvuohta ja oppalaš riikkaidgaskasaš kulturáššit.

Ossodat maid jođiha Mánáid,- nuoraid- ja bearašdirektoráhta Vealahanlávdegotti, Ovttadássásašvuođa- ja vealahanáittardeaddji ja ovttadássásašvuođabargguid.

Ossodat bargá oallut politihkalaš suorggi gaskaomiiguin, mas váldodeaddu lea ovddidit lágaid ja politihka, doarjjaortnegat, strategiijat ja doaibmaplánat, dutkan- ja ovddidanbarggut (DjO) ja vuollásaš doaimmaid stivremiin. Ossodat oassálastá riikkaidgaskasaš bargguide mat gusket ovttadássásašvuođapolitihka ja kulturpolitihkalaš surggiide nu go ON, EO, Eurohpáráđi, Davviriikkaid Ministtarráđi ja OECD forum:ain.

Ossodaga čuovvovaš sekšuvnnat:

  • Juridihkalaš ja riikkaidgaskasaš áššiid sekšuvdna

    Sekšuvnna ovddasvástádus leat ossodaga juridihkalaš barggut, ábaide barggut mat gullet vealahanrivttiide. Sekšuvnna ovddasvástádus lea maid riikkaidgaskasaš barggut mat gullet ovttadássásašvuođa ja kultursurggiide. Sekšuvdna koordinere riikkaidgaskasaš barggut mat gullet EO/EEO suorgái, Davviguovlluid áŋgiruššan, FN (dás maid Unesco), Eurohpáráđi ja Davviriikkaid Ministtarráđi ja OECD doaimmaide.

  • Ovttadássásašvuođa ja kultuvrralaš girjáivuođa sekšuvdna

    Ovttadássásašvuođa ja kultuvrralaš girjáivuođa sekšuvnna ovddasvástádus lea politihka ovddideapmi ja ovttadássásašvuođa- ja vealahanpolitihka koordineren mii guoská sohkabeliid, doaibmaváttot olbmuid, etnalaš vealahemiid ja vašši cielahemiid, sohkabealidentitehtii ja sohkabealláhttema ovttadássásašvuhtii. Sekšuvnna váldodoaibma lea hábmet politihka mii guoská strategiijaid ovddideapmái, doaibmaplánat ja doarjjaortnegat. Sekšuvnna ovddasvástádus lea maid ovddidit kultureallima kultuvrralaš girjáivuođa.