Media- ja dáiddaossodat

Media- ja dáiddaossodaga ovddasvástádus lea ovddidit našunála politihka surggiin mat gusket sátnefriddjavuhtii, mediumii (gulahallangaskaomiide), ruhtaspealuide, vuođđudusaide, vuoigŋaduodjerivttiide, kultuvrralaš ja hutkkálaš ealáhusaide, filmmaide, dihtorspealuide, musihkkii, scenadáidagii ja dáiddárpolitihkkii. Ossodat hálddaša daid namuhuvvon surggiid lágaid ja njuolggadusaid, ja juolludemiid ja doarjagiid daid surggiid stáhta ja ii-stáhtalaš orgánaide ja ásahusaide.

Ossodaga čuovvovaš sekšuvnnat:

  • MK1

    Sekšuvnna ovddasvástádus leat mediumat ja ruhtaspealut, ja gažaldagat mat gusket vuođđudusaid bearráigehččui. Sekšuvnnas lea maiddái ovddasvástádus stivret Mediabearráigeahču ja Speallo- ja vuođđudusbearráigeahču ja eaiggáda bealis stivret NRK AS ja Norsk Tipping AS.

  • MK2

    Sekšuvnna ovddasvástádus leat dahkkivuoigatvuođat, kultuvrralaš ja hutkkálaš ealáhusat, filmmat ja dihtorspealut. Sekšuvnnas lea maiddái ovddasvástádus stivret Norgga Filbmainstituhta ja eaiggátstivren Filmparken AS.

  • MK3

    Sekšuvnna ovddasvástádus lea musihkka, scenadáidda ja dáiddárpolitihkka ja kultursuorggi regiovdnaođasteami čuovvoleapmi. Dasa lassin maid ovddasvástádus stivret Norgga Kulturráđi ja Riikateáhtera ja eaiggátstivren Norgga Opera & Baleahtta OS, Našunálateáhtera OS, Našunála Scena OS, Trøndelága teáhter OS, Rogaland Teáhter OS, Carte Blanche OS ja Taleanta Norga OS.

Bajás