Siviilaservodat- ja valáštallanossodat

Ossodat galgá ovddasvástidit stáhtalaš valáštallanpolitihka, mánáid- ja nuoraidkultuvrra, eaktodáhtolaš kultureallima ja lea bajitdási ovddasvástádus koordineret ja ovttastahttit stáhta áššiid eaktodáhtolaš suorggi ektui. Ossodagas lea ovddasvástádus hálddašit Norsk Tipping badjebáhcaga valáštallanulbmiliidda, servodatávkkálaš ja humaniteara organisašuvnnaide, Kultuvrralaš skuvlalávkii ja Friijafondii. Eaktodáhtolašpolitihka bajitdási ovddasvástádus lea earret eará hálddašit lassiárvodivatbuhtadusa eaktodáhtolaš organisašuvnnaide, ja siviilaservodaga ja eaktodáhtolaš suorggi dutkandoaimmaid, eaktodáhtolašregistara ja álkidahttindoaimmaid.

Ossodaga čuovvovaš sekšuvnnat:

  • SV1

    Sekšuvnnas lea váldoovddasvástádus valáštallansuorggi áššiin. Dan ovddasvástádus lea spealloruđaid juolludit iešguđetlágan doaimmaide, NVL:ii, gielddaid valáštallanrusttegat, láhtut ja idjadanbarttat duoddariin, riddoguovlluin ja muđui. Sekšuvdna galgá maid ovddasvástidit nationála rusttegiid, valáštallanregistariid, stuora valáštallanlágidemiid, olgunastindoaimmaid ja valáštallama dopeneastadandoaimmaid, ja dasto maid ovddasvástidit eaktodáhtolašregistara, spealloruđaid juolludeami servodatávkkálaš- ja humaniteara organisašuvnnaide, lassiárvodivatbuhtadusa eaktodáhtolaš organisašuvnnaide ja valáštallanrusttegiid huksendoaimmaid.

  • SV2

    Sekšuvnna váldoovddasvástádus leat siviilaservodatsuorggi áššit ja eaktodáhtolašvuođa rámmaeavttut, ja mánáid- ja nuoraidkultuvra ja eaktodáhtolaš kultureallin. Dat mearkkaša earret eará hálddašit doarjjajuolludemiid eaktodáhtolašguovddážiidda, Friijafondii, kultuvrralaš skuvlalávkii, valáštallanservviid, báikkálaš joavkkuid ja servviid searvadahttindoaimmat, eaktodáhtolašvuođajulggaštusa čuovvoleapmi ja álkidahttit stáhta doarjagiid eaktodáhtolaš organisašuvnnaide. Sekšuvnna ovddasvástádus lea maid stivret Kulturtanken – Kultuvrralaš skuvlalávkka.