Ossodagat

Kulturdepartemeanttas leat 7 ossodaga, Gulahallanovttadat ja Stáhtaráđđesekšuvdna. Guđege ossodaga jođiha ekspedišuvdnahoavda.
  • Gulahallanovttadat

    Gulahallanovttadat ovddasvástádus lea juohkit dieđuid departemeantta politihkalaš áššiid ja mearrádusaid birra. Gulahallanovttadat gulahallá beaivválaččat mediain ja álbmogiin. Ovttadat gulahallá fágaossodagaiguin ja veahkeha stáhtaráđi ja politihkalaš njunnoša mediaáššiin. Dasa gullet ee. preassadieđáhusat, preassakonferánssat, čállosat, sáhkavuorut, almmustahttin regjering.no -siidduin ja eará. Gulahallanhoavda lea regjeringen.no departemeanttaid siidduid ovddasvástideaddji doaimmaheaddji.

    Ossodatjođiheaddji: Gulahallanhoavda Marius Bakke

  • Hálddahusossodat

    Hálddahusossodat ovddida stivrenvuogádagaid ja mearrida bajitdási njuolggadusaid departemeantta beaktilis ja oktiiheivehuvvon jođiheapmái. Ossodat áimmahuššá hálddahuslaš áššiid ja fuolaha ahte departemeanta stivrejuvvo gustovaš lágaid ja njuolggadusaid mielde.

    Ossodatjođiheaddji: Veahkkedepartemeantaráđđi Henning Henriksen

  • Ovttadássásašvuođa, vealaheami ja riikkaidgaskasaš áššiid ossodat

    Ovttadássásašvuođa, vealaheami ja riikkaidgaskasaš áššiid ossodagas lea sektor- ja koordinerenovddasvástádus politihkkasurggiide mat gusket ovttadássásašvuhtii ja vealaheapmái, ja ovddasvástádus čuovvolit riikkaidgaskasaš konvenšuvnnaid ja riikkaidgaskasaš bargguid dan suorggis. Ossodaga ovddasvástádussii gullet maid vel ovddasvástádus ovttadássásašvuođa- ja vealaheami suorggit, kultuvrralaš máŋggabealatvuohta ja oppalaš riikkaidgaskasaš kulturáššit.

    Ossodatjođiheaddji: Ekspedišuvdnahoavda Hege Nygård

  • Siviilaservodat- ja valáštallanossodat

    Ossodat galgá ovddasvástidit stáhtalaš valáštallanpolitihka, mánáid- ja nuoraidkultuvrra, eaktodáhtolaš kultureallima ja lea bajitdási ovddasvástádus koordineret ja ovttastahttit stáhta áššiid eaktodáhtolaš suorggi ektui. Ossodagas lea ovddasvástádus hálddašit Norsk Tipping badjebáhcaga valáštallanulbmiliidda, servodatávkkálaš ja humaniteara organisašuvnnaide, Kultuvrralaš skuvlalávkii ja Friijafondii. Eaktodáhtolašpolitihka bajitdási ovddasvástádus lea earret eará hálddašit lassiárvodivatbuhtadusa eaktodáhtolaš organisašuvnnaide, ja siviilaservodaga ja eaktodáhtolaš suorggi dutkandoaimmaid, eaktodáhtolašregistara ja álkidahttindoaimmaid.

    Ossodatjođiheaddji: Ekspedišuvdnahoavda Lars Audun Granly

  • Kultursuodjalusossodat

    Kultursuodjalusossodaga ovddasvástádus lea arkiiva, girjerájus, visuála dáidda, arkitektuvra, girjjálašvuohta, giella, kulturvisttit, museadoaimmat (-dávvirat), vuoiŋŋalaš (immateriála) kulturárbi ja sámi áššit. Ossodaga ovddasvástádus lea hálddašit Našunálagirjerádjosa, Arkiivadoaimmahaga, KORO (dáidda almmolaš lanjain), Nidaros duopmogirku divodandoaimmaid ja Dáčča jietna- ja suorbmačállingiellagirjerádjosa.

    Ossodatjođiheaddji: Ekspedišuvdnahoavda Steinar Lien

  • Media- ja dáiddaossodat

    Media- ja dáiddaossodaga ovddasvástádus lea ovddidit našunála politihka surggiin mat gusket sátnefriddjavuhtii, mediumii (gulahallangaskaomiide), ruhtaspealuide, vuođđudusaide, vuoigŋaduodjerivttiide, kultuvrralaš ja hutkkálaš ealáhusaide, filmmaide, dihtorspealuide, musihkkii, scenadáidagii ja dáiddárpolitihkkii. Ossodat hálddaša daid namuhuvvon surggiid lágaid ja njuolggadusaid, ja juolludemiid ja doarjagiid daid surggiid stáhta ja ii-stáhtalaš orgánaide ja ásahusaide.

    Ossodatjođiheaddji: Ekspedišuvdnahoavda Christine Hamnen

Bajás