Kultur- ja dásseárvodepartemeanta (KUD) lea hábmen mihtuid riikkaidgaskasaš kulturpolitihkkii:

  1. Dáiddalaš friddjavuohta ja cealkinfriddjavuohta vuhtiiváldojuvvojit buot riikkain
  2. Norgga aktevrrat geavahit riikkaidgaskasaš vejolašvuođaid hábmet ja gaskkustit dáidaga ja kultuvrra mii lea guoddevaš, máŋggabealat ja alla kvalitehtas
  3. Norgga dáiddáriid ovdanbuktimat geasuhit miehtá máilmmi

Mihtut láidestit departemeantta riikkaidgaskasaš doaimma ja bargguid ja departemeantta vuordámušaid dasa movt riikkaidgaskasaš ovttasdoaibma sáhttá veahkkin nannet Norgga dáidda- ja kultureallima. Mihtut dorjot našuvnnalaš kulturpolitihkalaš mihtuid, ja dahket Norgga čielga aktevran ovttasbarggus eará riikkaiguin dainna go ovddidit demokráhtalaččat hábmejuvvon kulturpolitihka ja láhčet buriid oktavuođaid riikkaidgaskasaš ovttasbargui.