Čálgopolitihkalaš ossodat

Bargo- ja searvadahttindepartemeanta

Čálgopolitihkalaš ossodaga ovddasvástádus lea politihkka, mii laktása sisaboađuid sihkkarastimii buohcanruđain, bargočielggadandoarjagiin, bargonávccahisvuođaoajuin, dikšundoarjagiin ja álbmotoaju gaskaomiiguin, ekonomalaš sosiálavehkiin ja gealbudahttinprográmmain.

Ossodaga ovddasvástádus lea koordineret ráđđehusa barggu, man olis barget geafivuođa vuostá, ja politihkka- ja fágaovdánahttin mainna buoridit daid olbmuid eallindili, geain lea sosiálalaččat ja ekonomalaččat váttis dilli. Ossodaga ovddasvástádus lea maid eastadit servodaga olggobeallái báhcima ja searvadahttit olbmuid, geain leat hedjonan bargonávccat, buhcciid ja eará joavkkuid, geain lea váttisvuođat beassat bargoeallimii.

Ossodat koordinere departemeantta barggu, man olis čuovvulit searvadahtti bargoeallima áigumuššiehtadusa (IA-šiehtadusa).

Ossodaga čuovvovaš sekšuvnnat:

  • Bargočielggadandoarjaga ja sosiála bálvalusaid sekšuvdna (BSS)

    Sekšuvnna ovddasvástádussii gullet bargočielggadanruđat, čuovvuleapmi man ulbmilin lea beassat bargui, sosiálabálvalusláhka, departemeantta stivrendoaimmat Fylkkamánni ja Dearvvašvuođageahču oktavuođas ja ossodaga sosiálapolitihka/geafivuođa barggu koordineren.

    Ossodatdirektevra Vibeke Trålim

  • Bargonávccahisvuođadoarjagiid ja riikkaidgaskasaš áššiid sekšuvdna (BRS)

    Sekšuvnna ovddasvástádus lea bargonávccahisvuođaoadju, gaskaoapmesuorgi, vuođđo- ja veahkkedoarjja, ossodaga riikkaidgaskasaš áššiid koordineren (EU, Eurohpáráđđi, ON, OECD, davviriikkat) ja koordineret ossodaga DuO-barggu, maiddái DuO-gulahallan Bargo- ja čálgodirektoráhtain.

    Ossodatdirektevra Sara Elisabeth Nordahl Bruvoll

  • Buohcanruđa ja searvadahtti bargoeallima sekšuvdna (BSB)

    Sekšuvnna ovddasvástádussii gullet buohcanruđat, dikšunruđat, IA-šiehtadusa čuovvuleapmi ja ossodaga bušeahttabarggu koordineren, maiddái stáhtabušeahttabargu.

    Ossodatdirektevra Ingvild Wold Strømsheim