Eallindáhpejuogus

Juhkosis lea ovddasvástádus dearvvašvuođaovddidan- ja eastadandoaibmabijuin dakkár surggiin go alkohola, narkotihkka, dopen, duhpát, rumašlaš lihkadeapmi, borrandábit, biebmodilli, bátnedearvvašvuohta ja dávddain mat eai njoamo.

Juhkosa barggu ulbmil lea eastadit dávddaid mat eai njoamo, servodatlaš ja oktagaslaš vahágiid alkohola- ja gárrenávnnasgeavaheami geažil, ja ovddidit dearvvašlaš eallindábiid.

Juhkosa ovddasvástádussii gullá duhpát- ja gárrenávnnaseastadeapmi, departemeantta riikkaidgaskasaš gárrenávnnaspolitihkalaš doaimmaid oktiiheiveheapmi, dopen olggobealde organiserejuvvon valáštallama ja AS Vinmonopolet eaiggátstivren.

Juhkosis lea maiddái ovddasvástádus ovddidit politihka álbmoga rumašlaš lihkadeami várás, ja čuovvulit borrandáhpe- ja biebmodillepolitihka. Dat guoská earret eará ovttasbargui mii dearvvašvuođa- ja fuolahusministaris lea ealáhuseallimiin das ahte veahkehit geavaheaddji dahkat dearvvašleappo válljemiid.

Lassin nationála bargui lea juogus mielde riikkaidgaskasaš ovttasbarggus mii gullá juhkosa surggiide, nu go Máilmmi dearvvašvuođaorganisašuvnna eastadeaddji dearvvašvuođabarggus.

Bodil Blaker lea ossodatdirektevra.