Dearvvašvuođa- ja fuolahusdepartemeantta ossodagat

Álbmotdearvvašvuođaossodat

Dearvvašvuođa- ja fuolahusdepartemeanta

Álbmotdearvvašvuođaossodaga deháleamos doaimmaide gullá dearvvašvuođaovddideapmi ja eastadeapmi álbmotdásis ja dearvvašvuođaanalysat.

Ovddasvástádussuorggit

Ossodagas leat dát juhkosat: analysa ja servodatguoski dearvvašvuođabarggu juogus, juridihkalaš álbmotdearvvašvuođabarggu juogus, eallindáhpejuogus ja dearvvašvuođasihkarvuođa- ja biebmosihkarvuođajuogus.

Ossodat bargá earret eará psyhkalaš dearvvašvuođain, birasguoski dearvvašvuođasuodjalusain, njoammudávddaid eastademiin, biebmodiliin, biebmosihkarvuođain, alkohola-, narkotihkka- ja duhpáteastademiin, doaibmabijuiguin mat lasihit rumašlaš lihkadeami, vaháteastademiin ja ahkeheivehuvvon servodagaid láhčimiin. Suonjardanbearráigeahčču ja gearggusvuohta atomadáhpáhusaid oktavuođas gullet maiddái ossodaga ovddasvástádussuorgái. Máŋgga suorggis lea davviriikkalaš, eurohpalaš ja riikkaidgaskasaš ovttasbargu dehálaš.

Ossodagas lea ovddasvástádus máŋgga láhkasuorggis, earret eará alkoholalágas, atomaenergiijalágas, vuorrasiidáittardeaddjilágas, álbmotdearvvašvuođalágas, kosmetihkkalágas, biebmolágas, suonjardanbearráigeahččolágas, duhpátvahátlágas ja viidnamonopolalágas.

Ossodaga čuovvovaš sekšuvnnat:

  • Analysa ja servodatguoski dearvvašvuođabarggu juogus

    Juhkosis lea ovddasvástádus dearvvašvuođagoziheamis ja analysas, das maiddái álbmotiskkademiin ja álbmotdearvvašvuođadoaibmabijuid servodatekonomalaš árvvoštallamiin, álbmotdearvvašvuođapolitihka gielddalaš álbmotdearvvašvuođabarggu nationála oktiiheiveheamis, vahágiid ja lihkohisvuođaid eastadeamis, vuosttašveahkis, psyhkalaš dearvvašvuođas álbmotdearvvašvuođabarggus ja eallinkvalitehtas, ahkeheivehuvvon Norggas, ja ossodaga iešguđet oktiiheivehandoaimmain.

  • Juridihkalaš álbmotdearvvašvuođabarggu juogus

    Juhkosis lea ovddasvástádus ossodaga juridihkalaš barggus ja erenoamáš ovddasvástádus čuovvovaš lágain: alkoholalágas, atomaenergiijalágas, álbmotdearvvašvuođalágas, biebmolágas, kosmetihkkalágas, suonjardanbearráigeahččolágas, duhpátvahátlágas ja viidnamonopolalágas.

  • Eallindáhpejuogus

    Juhkosis lea ovddasvástádus dearvvašvuođaovddidan- ja eastadandoaibmabijuin dakkár surggiin go alkohola, narkotihkka, dopen, duhpát, rumašlaš lihkadeapmi, borrandábit, biebmodilli, bátnedearvvašvuohta ja dávddain mat eai njoamo.

  • Dearvvašvuođasihkarvuođa- ja biebmosihkarvuođajuogus

    Juhkosis lea ovddasvástádus njoammudávddaideastadeamis, earret eará antimikrobiologalaš resisteanssas ja boahkuheamis, suonjardanbearráigeahčus, atomagearggusvuođas, birasguoski dearvvašvuođasuodjalusas, biebmosihkarvuođas ja juhkančázis.