Departemeantta birra

Dálkkádat- ja birasdepartemeantta váldoovddasvástádus lea fuolahit ráđđehusa dálkkádat- ja biraspolitihka ollislašvuođas.

Dálkkádat- ja birasdepartemeantta ovddasvástádussuorggit juohkásit dáid biraspolitihkalaš surggiide:
1. Luonddugirjáivuohta
2. Kulturmuittut ja kulturbiras
3. Olgodaddan
4. Nuoskkideapmi
5. Dálkkádat
6. Poláraguovllut

Birashástalusat leat máŋggadáfogat ja guoskkahit servodaga buot aktevrraid. Suorgepolitihkka (sektorpolitihkka) váikkuha čielgasit sierra surggiid ovdáneapmái. Go bargat nana, guoddevaš ovdáneami ovdii, de ferte váldit vuhtii birrasa servodaga buot osiid politihka hábmemis.
Dan lassin ahte departemeanta álggaha, ovddida ja čađaha iežas doaimmaid ja gaskaomiid, de dat ovddida ja bálddalastá maiddái, ahte suorgeeiseválddit čuovvolit biraspolitihkas iežaset surggiin.
Departemeanttas leat njeallje ossodaga: Birasdirektoráhtta, Norgga polárainstituhtta, Riikkaantikvára ja Norgga kulturmuitofoanda.
Dálkkádat- ja birasdepartemeanttas leat sullii 260 bargi ja dat ásahuvvui 1972.