Ekspedišuvdnahoavda Steinar Undrum, tlf. 22 24 48 16

Gilvopolitihkalaš ossodat áimmahuššá departemeanta bajitdási ovddasvástádusa gilvopolitihka čađaheamis. Dát mearkkaša earret eará ahte leat ovddasvástádus:

  • Hábmemis Norgga gilvolága, lága almmolaš háhkamiid birra ja lága almmolaš doarjagiid birra oktan láhkaásahusaiguin.
  • Čađaheames EEO-šiehtadusa gilvonjuolggadusaid, almmolaš háhkamiid njuolggadusaid ja almmolaš riekti Norgga rievttis
  • Meannudeames váidagiid:
    • Gilvonjuolggadusaid mielde
    • Almmolaš háhkamiid lága mielde (ESA-váidináššit)
    • Almmolaš doarjagiid lága mielde (ESA-váidináššit)
    • Riikkaviidosaš poastabálvalusaid gaskkusteami lága mielde
  • Gilvobearráigeahču ossodatstivrejupmi, maiddái almmolaš háhkamiid váidinlávdegotti (KOFA čállingotti
  • Váikkuhit dasa gilvofuolat doarvái bures vuhtiiváldojuvvojit eará politihkkasurggiin

Ossodagas leat čuovvovaš suorggit:

Ossodatstivrejumi ja gilvoekonomiija juhkosa
Juksosis lea hálddahuslaš stivrenovddasvástádus Gilvobearráigeahču  ektui ja galgá jođihit fágalaš ossodatstivrejumi. Juogus galgá láhččet fágalaš ovttastahttima ossodagas, ja lea ovddasvástádus ekonomalaš ja hálddahuslaš áššiin mat gullet ossodahkii, earenoamážiid ossodatstivrejupmái.

Juhkosis lea maiddái ovddasvástádus gilvopolitihkalaš gažaldagaid meannudeames ja vuhtiiváldimis gilvodeasttaid eará departemeanttaid ektui, mat gullet sin njuolggadusovdáneapmái ja meanuide mat váikkuhit gilvaleapmái. Juogus meannuda daid gilvoekonomalaš áššiid go ossodat galgá meannudit váidináššiid gilvolága ja poastalága vuođul, ja čuovvolaš gilvopolitihkalaš gažaldagaid nationála lávdegottiin ja ráđiin ja riikkaidgaskasaš organisašuvnnain nugomat OECD ja WTO.

Almmolaš doarjagiid ja gilvalanrievtti juogus
Juogus ovddasvástida juridihka gažaldagaid gilvolága, haddedoaibmaláhka ja EEO gilvoláhka, dás maiddái gažaldagat mat gusket art. 53 ja 54 EEI desentraliserejuvvon giehtaguššan. Viidáset lea juhkosis maiddái ovddasvástádus hábmemis, dulkomis ja árvvoštallamis láhkaásahusaid. Juogus jođiha ossodaga váidagiid meannudeami gilvolága ja poastalága mielde.

Juhkosis lea ovddasvástádus hábmet ja dulkot njuolggadusaid našunalalaččat ja riikkaidgaskasaččat almmolaš doarjagiid oktavuođas, das maiddái almmolaš doarjaga lága ja dasa gullevaš láhkaásahusaid ektui. Juhkosis lea ovddasvástádus čuovvoleames gulahemiid, raporteremiid, koordineremiid ja dieđuid almmolaš doarjagiid njuolggadusaid ektui EEO:s. Go lea sáhka riikkaidgaskasaš ovttasbarggus, dan juogus dan čuovvola EEO ja WTO ektui.

Almmolaš háhkamiid juogus
Juhkosis lea ovddasvástádus hábmemis ja dulkomis njuolggadusaid našunalalaččat ja riikkaidgaskasaččat almmolaš háhkamiid oktavuođas. Juhkosis lea ovddasvástádus čuovvolit gulahemiid, raporteremiid, koordineremiid ja dieđuid njuolggadusaid ektui ja galgá meannudit áššiid mat leat váidojuvvon EFTA gozihanorgánii (ESA:i). Juogus čuovvola riikkaidgaskasaš ovttasbarggu almmolaš háhkamiid birra EEO:s, WTO:s ja OECD:s.