Áŋgiruššansuorgi 3: Buohkaid fátmmasteaddji valáštallan

Mihtut:

• Eai makkárge hehttehusat valáštallamii searvat
• Lasihit máhtolašvuođa bonjuolbmuid searvamis valáštallamii
• Ovddidit buori iešgova ja positiiva gorutidentitehta lášmmohallanfágas

Doaibmabidju 41: Ovdánahttit máhtu bonjuolbmuid searvamis valáštallamii

Ráđđehus áigu diŋgot máhtolašvuođačoaggima dan birra mo lhbt+ ja bonjuolbmot vásihit valáštallamis oasálastima, ja deattuhit dan mii váikkuha rabasvuhtii ja oasálastimii.

Doaibmabidju 42: Váikkuhit dasa ahte dihtomielalašvuohta lassána dan hárrái makkár oktavuohta lea valáštallama, sohkabeallerollaid ja -stereotyhpaid gaskkas

Ráđđehus áigu ovttasráđiid Norgga valáštallanlihtuin ja olympialaš ja paralympialaš lávdegottiin (NIF) bovdet áššedovdiid čoahkkimii gieđahallan dihte hástalusaid, mat čatnasit valáštallamii, sohkabeallerollaide ja sohkabeallestereotypiijaide, ja mo dat sáhttet hehttet bonjuolbmuid searvamis valáštallamii.

Doaibmabidju 43: Nannet Oahpahusdirektoráhta bagadusa doarjagiid ektui mat addojit sohkabeali ja seksualitehta oahpahussii

Ráđđehus áigu nannet Oahpahusdirektoráhta bagadusa, mainna dorjot praksisiid ja dilálašvuođaid, mat sáhttet ovddidit buori iešgova ja positiiva gorutidentitehta lášmmohallanfágas.