Sáddenreive

Almmustahttináigodat

Almmustahtti: Bargo- ja searvadahttindepartemeanta

Ministariidda geain lea ovddasvástádus sámi áššiin ja sámediggepresideanttaide Suomas, Norggas ja Ruoŧas

 

Áššedovdijoavku mii nammaduvvui vai ráhkada davviriikkalaš sámekonvenšuvnna álgohámi lea gearggahan barggus ja ovdanbidjá dáinna lágiin árvalusas.

Árvalusas lea konvenšuvdnateaksta mii siskkilda 51 artihkkala mat juohkásit čieža kapihttalii. Dat áššit mat gieđahallojuvvojit leat gaskaneaset hui sierraláganat luonddu dáfus ja leat siskkáldasat áššedovdijoavkkus leamaš dárkilis ráđđádallamiid fáddán. Dat oaivil¬erohusat mat eai oppa hárvege leat boahtán oidnosii leat dagahan ahte konvenšuvnna álgohámi sátnádagat muhtumin sulastahttet sierramielalaš oaiviliid oktiimuddema, dainna lágiin artihkkal 3 Vuoigatvuohta iešmearrideapmái, kapihttal IV Sámiid vuoigatvuohta eatnamiidda ja čáziide ja artihkkal 42 Boazodoallu sámi ealáhussan.

Áššedovdijoavku eaktuda ahte konvenšuvnna álgohámi ja áššedovdijoavkku árvalussii gullevaš komeanttaid joatkevaš gieđahallan dáhpáhuvvá dan golmma ráđđehusa ja dan golmma sámedikki gaskasaš ovttasbarggus.

Dannego stáhtaid geatnegasvuođat leat árvaluvvon konvenšuvdnateavstta mielde oppalaš hápmái stuorra sárgosiid dáfus, de áššedovdijoavku lea gávnnahan vejolažžan árvvoštallat konvenšuvdnamearrádusaid ekonomalaš váikkuhusaid.
Áššedovdijoavkku lea ofelaštán dat sávaldat ahte galggašedje ollit oktasaš oaiviliidda maiddái váttes áššiinge. Sierramielalaš oaivilat dahje molssaeaktosátnádagat eai leat oassin dán árvalusas.


Oslo, golggotmánu 27. b. 2005


Carsten Smith
jođiheaddji

 

Hans Danelius

Matti Niemivuo

Ing-Lill Pavall

Martin Scheinin

Mattias Åhren

Malin Brännström

John Bernhard Henriksen

Heikki Hyvärinen  

Marcus Laurent

Carina Mårtensson

Anne Marit Pedersen

Kirsti Strøm Bull
Susann Funderud Skogvang