Fuođđohálddašeapmi

Seamma ovddasvástádus lea biddjon vuođđun fuođđoresursalágas mii gustogoahtá suoidnemánu 1.b. 2026. Departemeanttas lea maiddái ovddasvástádus fuođđosuorggi bušeahttaruđain, das maid bivdo- ja goddindivadiin ja mávssuin.

Eanandoallo- ja biebmodepartemeanta čuovvola hálddašanovddasvástádusa vuosttažettiin suorggi láhka- ja láhkaásahusovddidemiin, jahkásaš bušeahttaproposišuvnnaiguin ja Eanadoallodirektoráhta etáhtastivremiin.

Eanandoallo- ja biebmodepartemeanta hálddaša stáhta oamasteaddjiberoštumiid stáhtafitnodaga Statskog SF bokte. Statskog SF lea Norgga stuorimus eananeaiggát ja láhčá dili álbmoga vejolašvuhtii searvat bivdui ja guolásteapmái. Statskog SF:s leat bivdin- ja guolástanfálaldagat stuora oasis riikkas. 

• Loga eambbo bivddu ja guolásteami birra (statskog.no)

Maiddái Fjellstyrene (meahccestivrrain) lea guovddáš rolla álbmoga vejolašvuhtii beassat bivdit ja guolástit, sin hálddašeami bokte stáhta oktasašmehciin.

• Loga eambbo Norgga Meahccestivrraid birra (fjellstyrene.no)

Finnmárkkuopmodat (FeFo) hálddaša 95 pst. Finnmárkku eatnamis, ja lea Norgga nubbin stuorámus eananeaiggát.

• FeFo:s leat olu bivdo- ja guolástanfálaldagat iežaset neahttasiidduin – Bistevaš ja ceavzilis Finnmárku (fefo.no)

Eanandoallodirektoráhtta fuođđoeiseváldin

Ođđajagimánu 1.b. 2025 rájes lea Eanandoallodirektoráhtta fuođđoeiseváldi fuođđoresurssaide, maid sáhttá ávkkástallat. Eanandoallodirektoráhtta galgá doaimmahit válddi fuođđolága vuođul oktan láhkaásahusain, maid Eanandoallo- ja biebmodepartemeanta lea mearridan, ja nu go boahtá ovdan jahkásaš bušeahttaproposišuvnnain ja juolludusreivviin.   

• Loga eambbo bivddu ja guolásteami birra (landbruksdirektoratet.no)

Fuođđohálddašeami ovddasvástádusjuogu duogáš

Bivddehahtti fuođđoresurssaid hálddašanovddasvástádus sirdui Dálkkádat- ja birasdepartemeanttas Eanandoallo- ja biebmodepartementii cuoŋománu 27.b.2018 gns.res. bokte (gč. čuoggá 5 ja 6). Ovddasvástádussii gullet dárkileappot mearriduvvon barggut miessemánu 29.b. lága nr. 38 fuođđobivddu birra (fuođđoláhka) ja geassemánu 6.b. 1975 lága nr. 31 stáhta oktasašmehciid rivttiid ja vuoigatvuođaid geavaheami j.e. birra (meahcceláhka), ja bušeahttaruhta mii čatnasa fuođđoresurssaide maid sáhttá bivdit, dás maid bivdindivadat ja mávssut. Resolušuvnnas boahtá ovdan ahte ekovuogádagaid bajitdási hálddašanovddasvástádus, ja das maid barggut ja ovddasvástádus fuođđuid oktavuođas maid ii sáhte ávkkástallat, ja albasiid oktavuođas, galgá bissut Dálkkádat- ja birasdepartemeanttas, ja ahte seamma guoská ráfáidahttin fuođđuide, eará ráfáidahtton šlájaide ja amas šlájaide.

Dálkkádat- ja birasdepartemeanta mearrida maiddái, luonddušláddjivuođalága § 16 ja fuođđolága § 9 vuođul, sáhttá go dihto šlájaid bivdit, gos daid sáhttá bivdit, ja goas. Gč. FOR-2018-04-27-63 dárkilit ovddasvástádusjuogu birra gaskal Eanandoallo- ja biebmodepartemeantta ja Dálkkádat- ja birasdepartemeantta fuođđolága ja meahccelága vuođul. Bivddehahtti amas fuođđuid hálddašanovddasvástádusa rievdan ja Eanandoallo- ja biebmodepartemeantta ovddasvástádusa luohpan Birasdirektoráhta etáhtastivremis boahtá ovdan PRE-2025-04-10-635:s ja FOR-2025-04-10-635:s.

Ráđđehus mearridii njukčamánu 16.b. 2023 sirdit ovddasvástádusa hálddašit fuođđoresurssaid, maid sáhttá ávkkástallat,Troanddima Birasdirektoráhtas Steinkjer Eanandoallodirektoráhttii.