Eanet dásseárvosaš ja searvadahtti servodat buot lhbt+-olbmuide
Artihkal | Maŋimuš ođasmahttojuvvon: 21.01.2025 | Kultur- ja dásseárvodepartemeanta
Falleheapmi mii dáhpáhuvai ihkku miessemánu 25. beaivvi 2022 lea ahkidis muittuhus dasa ahte ain lea dárbu joatkit doaimmaid – maiddái politihkalaččat – vai Norga šaddá oadjebasat, eanet ovttaárvosaš ja searvadahtti servodat buot lhbt+-olbmuide. Ráđđehus áigu čavggabut áŋgiruššat vealaheami ja diskriminerema vuostá seksuála soju, sohkabealidentitehta, sohkabealovdanbuktima ja sohkabeal-karakteristihkaid vuođul.
Ráđđehus almmuhii guovvamánus 2023 sohkabeali ja seksuála máŋggabealatvuođa doaibmaplána. Plánas leat 49 doaibmabiju, maid ulbmil lea sihkkarastit vuoigatvuođaid, buoret eallinkvalitehta ja dohkkeheami sohkabeali ja seksuála máŋggabealatvuođa oktavuođas.
Bonju olbmuin lea heajut eallinkvalitehta ja psyhkalaš dearvvašvuohta go muđui álbmogis, ja transolbmuin lea erenoamáš várra vásihit vealaheami, veahkaválddi, seksuála illastemiid ja psyhkalaš dearvvašvuođaváttuid. Oallugat sis vásihit ovdagáttuid, vealaheami ja vaššikriminalitehta. Muhtin birrasiin lea erenoamáš váttis eallit bonju olmmožin.
Sohkabeali ja seksuála máŋggabealatvuođa doaibmaplánas leat golbma vuoruhuvvon áŋgiruššansuorggi:
- Bonju olbmot, geain lea minoritehtaduogáš, ja bonju olbmot oskkoldatservodagain
- Transolbmot ja olbmot geain lea sohkabealinkongrueansa
- Searvadahtti valáštallan
Doaibmaplána sisttisdoallá maiddái doaibmabijuid bonju olbmuid vuoigatvuođaid nannemii máilmmiviidosaččat.
- Ráđđehusa sohkabeali ja seksuála máŋggabealatvuođa doaibmaplána (2023–2026)
- Doarjja nannet sohkabeali ja seksuála máŋggabealatvuođa
- Vealahanáittardeaddjiláhka (Diskrimineringsombudsloven)
- Láhka juridihkalaš sohkabealerievdadeami birra | Lovdata
- Náittosláhka (Ekteskapsloven) addá buohkaide vuoigatvuođa náitalit beroškeahttá seksuála sojus