Ráđđehus lea bargagoahtán ođđa njealjejahkásaš doaibmaplánain lhbt+-suorggis, mii sisttisdoallá ráđđehusa ođđa doaimmaid ja vuoruhemiid boahttevaš jagiide. Doaibmaplánas, mii gustogoahtá 2023 rájes, vuoruhuvvojit doaimmat mat galget   nannet ja buoridit lhbt+-olbmuid eallinkvalitehta, sihkkarastit sin vuoigatvuođaid ja duddjot dasa ahte sohkabeale- ja seksuálamáŋggabealatvuohta dohkkehuvvo buorebut servodagas. Plána galgá erenoamážit vuhtiiváldit lhbit+-olbmuid geain lea minoritehtaduogáš, geat gullet oskkolaš servodahkii, ja trans-olbmuid ja valáštallaneallima.

Olbmuid miellaguottut rievdaduvvojit buoret guvlui ja lhbt+-olbmuid eallindilálašvuohta ja birgenláhki ovdána positiivvalaččat, muhto ođđa dutkan čájeha ahte ain lea dárbbašlaš eambbo ulbmillaččat ja systemalaččat bargat dáinna surggiin. 

Bargagoahtán ođđa LHBT+ doaibmaplánain

 

• Doaibmaplána 2021-2024 “Oadjebasvuohta, máŋggabealatvuohta ja rabasvuohta” (“Trygghet, mangfold og åpenhet”.) vuostálastit vealaheami seksuála sojuid, sohkabealeidentitehta, sohkabealeovdanbuktima ja sohkabealekarakteristihka geažil.

• Dásseárvo- ja vealahanláhka (Likestillings- og diskrimineringsloven)
• Vealahanáittardeaddjiláhka (Diskrimineringsombudsloven)
• Láhka juridihkalaš sohkabealerievdadeami birra | Lovdata
• Náittosláhka (Ekteskapsloven) addá buot lesbbaide ja homofiillaide vuoigatvuođa náitalit sorjáskeahttá seksuála sojus. Norgga kirkus ja eará oskuservodagain lea vihahanriekti, muhto ii vihahangeatnegasvuohta.