Mánáidgárddiid ruhtadeapmi
Artihkal | Maŋimuš ođasmahttojuvvon: 25.01.2023 | Máhttodepartemeanta
Ráđđehusa mihttun lea ahte mánáidgárddit galget leat olámuttus buot mánáide váhnemiid ekonomiijas beroškeahttá
Mánáidgárdedoarjja ruhtaduvvo gieldda friija sisaboađuin (rámmadoarjja ja vearrosisaboađut). Dat mearkkaša ahte gielddat mearridit man ollu sii geavahit mánáidgárddiide iežaset gielddabušeahtain.
Gielddat addet doarjagiid dohkkehuvvon priváhta (priváhta, fylkkagielddalaš ja stáhtalaš mánáidgárddiide) ja mánáidgárddit galget meannuduvvot ovttaárvosažžan doarjjajuohkimis.
Ráđđehusa mihttun lea ahte mánáidgárddit galget leat olámuttus buot mánáide váhnemiid ekonomiijas beroškeahttá.
Váhnenmáksu
2023:s lea alimus máksu 3 000 ruvnnu mánus.
Nationála unnimus gáibádusat geahpeduvvon váhnenmáksui
Ráđđehus lea dahkan mánáidgárddi hálbbibun bearrašiidda main lea vuollegis sisaboahtu ja lea ásahan buoret sosiála profiilla váhnenmáksui. Dietnasa mielde sirrejuvvon váhnenmávssu bokte eanebut ožžot vejolašvuođa geavahit mánáidgárdesadjefálaldaga.