Aktiver Javascript i din nettleser for en bedre opplevelse på regjeringen.no

Eaktodáhtolašguovddážat

Eaktodáhtolašguovddážat leat báikkálaš deaivvadanbáikkit mat čatnet oktii olbmuid ja organisašuvnnaid ja das duddjojuvvo buorre eaktodáhtolaš biras, buorit doaibmafálaldagat ja buorre ovttasbargu báikkálaš almmolašvuođain.

Sierra rámmajuolludeamit gielddaide gos leat eaktodáhtolašguovddážat

Ođđajagimánu 1. beaivvi 2017 rájes lea ovddasvástádus máksit doarjaga eaktodáhtolašguovddážiidda sirdojuvvon stáhtas gildii. Ruhta lea biddjojuvvon ovttaskas gieldda sierra juolluduvvon rámmajuolludeapmái (tabealla C).

Gielddat mat ásahit dahje heaittihit eaktodáhtolašguovddážiid áigodagas geassemánu 1.b.2018 rájes geassemánu 1.b. 2019 rádjai galget dan dieđihit Kulturdepartementii ovdal geassemánu 1.b.2019, vai dan besset váldit vuhtii dalle go galget juolludit ruđaid jahkái 2020, gč. reivve sáddejuvvon 11.01.2019 buot gielddaide Norggas. Raporta sáddejuvvo e-poasttain deike: [email protected]. Gielddat gos eai leat ásahan dahje heaittihan eaktodáhtolašguovddážiid eai galgga raporteret.

Lea ovttaskas gieldda duohken mearridit raporterengáibádusaid eaktodáhtolašguovddážiidda iežas gielddas.

Eaktodáhtolašguovddážat galget leat báikkálaččat sajáiduhtton ja doaimmahuvvot báikkálaš eavttuid ja dárbbuid mielde. Aktivitehtat galget leat eaktodáhtolaš árjja vuođul, leat veahkkin ráhkadit sosiálalaš gávnnadanbáikkiid ja láhčit dili báikkálaš eaktodáhtolaš doibmii. Juohke gielda mearrida ieš lea go eaktodáhtolašguovddáš siskkobealde dahje olggobealde doarjaga ulbmiljoavkku. 

Tabealla sierra juolluduvvon doarjagiin (tabealla C) lea biddjon ovdan gihppagis "Grønt hefte - Inntektssystemer for kommuner og fylkeskommuner", mii biddjojuvvo mielddusin stáhtabušehttii statsbudsjettet (Prop. 1 S) fra Kommunal- og moderniseringsdepartementet

Breava Kulturdepartemeanttas gielddaide mas leat dieđut doarjagiid birra eaktodáhttoguovddážiidda, beaiváduvvon 11.01.2019 (.pdf)

Bajás