Ráđđehusa politihka ulbmil dán suorggis lea láhčit dili iešguđetlágán visuála dáiddaovdanbuktimiid buvttadeapmái, seailluheapmái, gaskkusteapmái ja jearaheapmái. Visuála dáidagii gullet sihke dálááiggi dáidagat ja boarrásit dáidagat.

Visuála dáidda ovdanbukto máŋgga hámis, ja dávjá lea váttis oaidnit erohusaid dain. Dáiddasuorgi váikkuhuvvo eará dáidda- ja kultursurggiin. Ovdamearkkat leat dáiddaovdanbuktimat, govvejuvvon govat, dáiddaduodji, tevnnegat, grafihkka, báccit, video, filmmat, installašuvnnat, báikespesifihkka dáidagat, relašuvnnalaš dáiddahámit, jietnadáidagat, performánssat, digitála dáidda, gáhttadáidagat, graffiti, govvaráiddut, dáiddagirjjit ja olgun ja almmolaš lanjain.

Visuála dáidagiid čájáhusbáikkit ja doarjjaortnegat

Kulturfoanda lea deháleamos stáhtalaš ruhtadangáldu friddja ja prošeaktavuđot dáidda- ja kultureallima váras. Kulturráđđi galgá earret eará váikkuhit dasa ahte miehtá riikka ráhkaduvvojit ja gaskkustuvvojit alla dásat visuála dáidda.

Kultur- ja dásseárvodepartemeantta juolluda doarjaga kulturdirektoráhta bokte čájáhusbáikkiide ja gaskkustanorganisašuvnnaide visuála dáidaga váras miehtá riikka, nugo ovdamearkka dihteTromsø Kunstforening/Romssa Dáiddasiida, Davvi-Norgga Dáiddaguovddáš (Nordnorsk Kunstsenter), Bomulsfabriken Kunsthall Arendalas ja Kristiansand Kunsthall (Kristiansandda Dáiddahálla).

Stiftelsen Office for Contemporary Art Norway (OCA) vuođđudusas lea ovddasvástádus Norgga oassálastimii Venezia dáiddabiennalenii ja nannet Norgga riikkaidgaskasaš oassálastima govvadáidda suorggis. Norwegian Crafts dáiddaorganisašuvdna, maid Norgga dáiddaduojárat ásahedje, lea sullasaš rolla dáiddaduojis. Norgga govvadáiddáriin lea ges ovddasvástádus jahkásaš Stáhtalaš Dáiddačájáhussii (Høstustilling dahje Čakčačájáhussii)

Stáhtalaš juolludeamit museaide ja doaibmabijut visuála dáidaga siskkobealde lea doalaheame alla dási, girjáivuođa ja dáiddalaš friddjavuođa. Sii dorjot maid nationála ulbmiliid oažžut ealli demokratiija mas lea viiddis oassálastin, fátmmasteaddji searvevuohta, oadjebasvuohta ja alla luohttevašvuohta. Nationála museafierpmádaga museaid ulbmilat leat láhčit dili museafágalaš ovdánahttimii nanu máhtolašvuođabuvttademiin, áššáiguoskevaš gaskkustemiin ja ollislaš čoakkáldagaid ovddidemiin, oadjebas fuolahemiin ja aktiivvalaš ovttasdoaibmamin, vrd. Meld. St. 23 (2020-2021) ja Innst. 573 S (2020-2021)(stortinget.no).

Stáhtas lea stuorimus ovddasvástádus váikkuhangaskaomiid bokte visuála dáiddasuorggis, muhto maiddái ahte Sámedikkis, fylkasuohkaniin ja suohkaniin lea iežaset sierra ortnegat ja strategiijat.

Nationálamusea

Nationálamusea lea riikka njunuš ásahus mii čohkke, vurke, duođašta, dutká ja gaskkusta govvadáidaga, dáiddaduoji, designa ja arkitektuvrra.

Ođđa museavisti Vestbanenis Oslos rahppui geassemánu 11. b. 2022. Dat ođđa musea lea dál Davviriikkaid stuorámus dáiddamusea. Rahpama rájes leat ollu olbmot fitnan Nationálamuseas.

Ođđa musea ulbmilin lea oččodit ealli, nationála dutkan- ja gaskkustanguovddáža visuála dáidagiid várás. Musea galgá doaibmat láidesteaddji deaivvadanbáikin gos juohkelágan olbmot galget vásihit ja oažžut dieđuid visuála dáidaga birra, ja ođđa visti galgá čalmmustahttit Nationálamusea čájáhus- ja gaskkustanarenan riikkaidgaskasaš dásis.