Visuála dáiddasuorgi

Kulturdepartemeanta fuolaha stáhta beroštumiin dán suorggis ja juolluda ruđa ásahusaide ja doaimmaide. Norgga kulturráđđi hálddaša maid prošeaktaruđaid ja sierralágan doarjjaortnegiid visuála dáiddasuorggi oasálaččaide.

Juolludeamit ásahusaide ja doaimmaide namuhuvvojit Kulturdepartemeantta bušeahta kapihttalis 322 Viesut ja almmolaš lanjat, kapihttalis 320 Norgga kulturráđđi, poasttas 74 Doarjja organisašuvnnaide ja gealboguovddážiidda j.s., poasttas 75 Doarjja girjjálašvuođaviesuide, dáiddalávddiide ja kompaniijaide je. ja kapihttalis 328 Dávvirvuorkkát je.

Čájáhusbuhtadusa birra – stáhta ja dáiddaorganisašuvnnaid šiehtadus (girjedárogillii) 

Visuála dáidaga čájáhusbáikkit

Kulturdepartemeanta addá doarjaga dáiddamuseaide, mat gullet nationála museafierpmádahkii, ja ollu čájáhusbáikkiide iešguđet sajiin Norggas, mat čájehit visuála dáidaga, earret eará Bergen Kunsthall, Kunstnernes Hus, OCA (Office for Contemporary Art Norway), ja Norske Billedkunstnere/Stáhta dáiddačájáhus (Čakčačájáhus). OCA:s lea ovddasvástádus Norgga oassálastimis Venezia-biennálii. Dan váldobargosuorgi lea dálá áiggi dáidaga riikkaidgaskasaš lonohallan.

Dáidaga, arkitektuvrra ja design nationálamusea

Nationálamusea čoaggá ja fuolaha, čájeha ja gaskkusta riikka viidámus dáidda-, arkitektuvra ja designčoakkáldaga.

Bargu Dáidda-, arkitektuvra- ja design nationálamusea ođđa viesuin, mii huksejuvvo Vestbanenii, Osloi, gáibida dál stuorámus návccaid visuála dáiddasuorggis. Ođđa Nationálamusea rahppojuvvo dálá plánaid mielde Vestbanenii, Osloi, 2022.