Badjel golbmalot jagi gonagassan čájehii Harald V nana luohttámuša Norgga álbmogii. Son veahkehii min gávdnat dan buoremusa alddiineamet – ja guhtet guoimmisteamet.

Gonagas Harald máhtii sániiguin čatnat min oktii dalle go lei buot mávssolaččamus. Son moraštii minguin maŋŋel suoidnemánu 22. b. 2011. Son illudii minguin go Norgga valáštallit olahedje ođđa olahusaid. Ja son gálii geainnu liekkusvuođain, viisodagain ja rabasvuođain servodahkii gos lea sadji buohkaide. Gonagas Harald ráhkistii Norgga.

Ja Norga ráhkistii iežas gonagasa. Čiekŋalis fuolain ja árpmoštemiin leat mu jurdagat dronnet Sonja ja olles gonagasbearraša luhtte dán lossa áiggis.

Nu dadjá stáhtaministtar Jonas Gahr Støre Majestehta Gonagas Harald V eretvádjoleami oktavuođas.

Gonagas Harald V riegádii guovvamánu 21.b. 1937. Son elii 89 jagi boarisin.

Ráđđehus čoahkkana fargga ráđđehuskonferánsii Stáhtaministara kantuvrras ja áigu dasto deaivvadit ođđa gonagasain erenoamáš stáhtaráđis Šloahtas.