Diedádus sáme sierratjiehpe varresvuodadievnastusáj birra ráddidussaj gálggiduvvam
Ođas | Almmustahtton: 16.10.2026 | Dearvvašvuođa- ja fuolahusdepartemeanta
Sáme sierratjiehpe varresvuodadievnastusáj ássjediehttenammadus la diedádusás ráddidussaj gálggim. Nammadus la árvustallam makta stáhtta huksá ietjas vælggogisvuodajt sáme álmmuga gáktuj nuoges buoragit sierratjiehpe varresvuodadievnastusán, ja ævtot moadda dåjma ma galggi sáme iesjmierredimev ja oassálasstemav nannit gå dievnastusájt pláni, hábbmi ja organisieri.
Diedádus buktá ájnas árvvalusájt dasi gåktu sáme sierratjiehpe varresvuodadievnastusájt máhttá vijddásappot åvddånahttet ja gåktu Vuonarijka álmmukrievtesvuoda vælggogisvuodajt sámij gáktuj máhttá buorebut gåtsedit.
– Diedádus buktá buorre vuodov vijddásap bargguj gåktu oajválattja máhtti dilev hiebadit vaj sihkarasstá sáme iesjmierredimev ja oassálasstemav gå plániji, hábbmiji ja organisieriji varresvuodadievnastusájt sáme pasientajda, javllá varresvuoda- ja huksoministar Jan Christian Vestre.
Tjielggidus la Nasjåvnålasj varresvuodapládna ja aktandoajmmama plána tjuovvolibme ja dat la oassen ráddidusá bargos ådå varresvuodaådåstusájn.
Departemænnta ájggu dálla diedádusáv guláskuddamij sáddit. Ja de árvustaláduvvi guláskuddama vásstádusá åvddål gå ráddidus mierret gåktu diedádusá ráde galggi tjuovoduvvat.
Rapport om samiske spesialisthelsetenester
Geahča sáddaga dás