Ruhtačoaggimiid registrerenláhka heaittihuvvo

Stuoradiggi lea mearridan heaittihit ruhtačoaggima registrerenlága ja nu dat čuovvola ráđđehusa evttohusa. Ráđđehusa politihka mielde, de jávkaduvvodárbbašmeahttun njuolggadusčálus, ja dás duohko galgá leat priváhtaorganiseren mii lea vuođđuduvvon eaktodáhtolaš vuolggahemiide.

- Mii leat guldalan eaktodáhtolaš sektora evttohusaid ja láhčit dál dili dakkárin ahte olbmot sáhttet joatkit dálá iešemearridemiin priváhta organiserema bokte, dadjá kulturministtar Thorhild Widvey. 

Ruhtačoaggimat leat mielde ruhtadeame eaktodáhtolaš organisašuvnnaid doaimmaid iešguđet surggiin. Sis, geat addet, ferte leat luohttámuš organisašuvnnaide, ja dainna lágiin bisuhuvvo ja nannejuvvo sin addinmokta. Danne ferte leat earret eará rabasvuohta dan hárrái masa čohkkejuvvon ruđat galget adnojuvvot. 

- Mun jáhkán organisašuvnnat váldet vuhtii sin beroštumiid geat ruđaid addet. Dan seammás ávžžuhan addiid galgat leat dihtomielalažžan ja iskat leat go organisašuvnnat rahpasat dan ektui masa ruđat galget adnojuvvot. 

Ruhtačoagginregisttar ii leat nu dovddus olbmuid gaskkas ja dat lea unnán nagodan hehttet dušši ruhtačoaggimiid. Dieđihan dihte addiide dakkár organisašuvnnaid maid ferte atnit čalmmis, de lea Ruhtačoaggindárkkisteapmi vuođđudus ráhkadan OBS-liste (girjegillii)