Stuorra doarjjaolahus Antidoping Norgii 2017:s

Antidoping Norgii lea stáhtaráđis odne juolluduvvon 34,6 miljovnna kruvnna Norsk Tipping AS badjebáhcagis. Dát lea 4,6 miljovnna kruvdnasaš lassáneapmi 2016 ektui.

- Mii áigut nannet antidopenbarggu valáštallamis. Danne mii lasihat doarjaga Antidoping Norgii ođđa olahusdássái, dadjá kulturministtar Linda Hofstad Helleland.  

- Doarjja addá Antidoping Norgii vejolašvuođa intensiveret iežas barggu ja lasihit doaimma. Vuođđudus lea okta máilmmi njunuš antidopenorganisašuvnnain. Mii diehtit ahte Antidoping Norggas lea dehálaš rolla sihke sisriikkas ja riikkaidgaskasaččat, dadjá kulturministtar Hofstad Helleland.

- Lea dehálaš ahte mis lea buresdoaibmi nationála antidopenprográmma, mii áimmahuššá buhtes valáštalliid ja sihkkarastá ahte buohkat gilvalit seamma eavttuid vuođul, dadjá kulturministtar.