Alit oahpu, dutkama ja riikkaidgaskasaš bargguid ossodat

Ossodat bargá politihka ovddidemiin ja alit oahpu ja dutkama analyseremiiguin. Ossodahkii gullá maid riikkaidgaskasaš ovddasvástádus.

Ossodagas lea earenoamáš ovddasvástádus koordineret oahppo- ja dutkanpolitihka ja Dutkanráđi dutkanbušeahtaid barggu koordineremii. Ossodahkii gullá maid riikkaidgaskasaš ovddasvástádus.

Kvalitehtaovddideami ja kvalitehtagaskaomiid sekšuvnnas lea ovddasvástádus dasa ahte alit oahpu ja dutkama kvalitehta lassána ja čuovvola kvalitehtagaskaomiid Dutkanráđis, SIU:s, NOKUT:s ja EU:s. Rekruteren ja karrieara, digitaliseren ja oahppobirrasat leat guovddáš kvalitehtafáktorat. Sekšuvdna koordinere maid poláradutkama bargguid. 

Innovašuvnna, ovttasbarggu ja instituhttapolitihka sekšuvnnas lea hálddahusovddasvástádus profešuvdnaoahpuide, profešuvdnadutkamii, instituhttapolitihkkii ja regionála dutkanfoanddaide. Sekšuvdna galgá láhčit diliid lassánan ovttasbargui gaskal oahppo- ja dutkanásahusaid ja bargo- ja ealáhussuorggi, ja veahkehit háhkat lagat čanastagaid alit oahpu, dutkama, innovašuvnna, árvoháhkama ja eallinguhkkosaš oahpaheami gaskii.    

Riikkaidgaskasaš ovttasbarggu sekšuvdna koordinere departemeantta riikkaidgaskasaš bargguid mat gusket máŋggaidgaskasaš organisašuvnnaide nugo UNESCO:i, OECD:i ja Eurohpáráđđái, guovttebeallásaš ovttasbargguid strategalaš vuoruhuvvon riikkaiguin ja čállingoddebargguid norgga UNESCO kommišuvnna ovddas. 

Eurohpá, EU ja EEO-bargguid kommišuvdna koordinere bargguid mat gusket norgga ovddasteapmái EU dutkan- ja oahpahusovttasbargguin, ja vel duktan, innovašuvdna ja oahpahusa rámmaprográmmaid bargguid. Sekšuvnna ovddasvástádus lea maid koordineret davviriikkalaš ovttasbargguid mat gusket dutkamii ja oahpahussii.   

Bušeahtta ja koordineren sekšuvdna koordinere ráđđehusa bargguid mat gusket dutkama ja alit oahpu guhkitáiggeplánaide, dutkanjuolludemiide Norgga Dutkanráđi bokte, áššiide mat gullet mihttodallamii ja alit ohppui sisaváldimii, dutkaninfravuogádahkii, oččodit rabasvuođa dieđalaš artihkkaliidda ja dutkandieđuide, ja dieđalaš bálkkašumiiguin.