Norgga filbmainstituhtta

Norgga filbmainstituhtta doaibmá stáhta filbmapolitihkalaš hálddašanorgánan ja filbmapolitihkalaš áššiid ráđđeaddin.

Láhkaásahusaid ja mandáhta vuođul lea NFI ovddasvástádus bidjat ráđđehusa filbmapolitihka johtui.

NFI juolluda doarjagiid norgga filmmaide,  riikkaidgaskasaš oktasaš filbmabuvttademiide, tv-ráidduide ja dihtorspealuide ja fállá stipeanddaid, kurssaid ja veahki ovddidit taleanttaid filbmasuorgái. Filbmainstituhtta ovddasta ja gaskkusta norgga filmmaid riikkadásis ja riikkaidgaskasaččat.

NFI ovddasta Norgga Eurohpáráđi oktasaš filbmabuvttadanfoandda, Eurimages, ja Eurohpálaš audiovisuála gozihaninstituhta, Eurohpáráđi vuollásaš dutkaninstituhta. Našunálagirjerádjosiin ovttas bisuha NFI norgga miellahttuvuođa riikkaidgaskasaš filbmaarkiivva organisašuvnnas, FIAF. NFI oassálastá dasto ollu eará filbmasuorggi guoskevaš riikkaidgaskasaš ovttasbargoorgánain, ee. International Council for Educational Media, European Film Academy ja Scandinavian Films.

Juolludusreive ja jahkeraporttat (girjegillii)

Neahttasiidu: https://www.nfi.no/