Bivdit cealkámušaid dasa movt rekrutteren sámi oahpahussii sáhttá loktejuvvot
Artihkal | Maŋimuš ođasmahttojuvvon: 14.11.2022 | Gielda- ja guovlodepartemeanta, Máhttodepartemeanta
Gielda- ja guovlodepartemeanta ja Máhttodepartemeanta háliidit cealkámušaid jahkásaš stuoradiggedieđáhussii sámi giela, kultuvrra ja servodateallima birra, mii galgá leat rekrutterema ja gelbbolašvuođa birra. Mii bivdit cealkámušaid dieđáhussii!
Gelbbolašvuođavátnivuohta sámi gielas ja kultuvrras lea duođalaš. Ráđđehus háliida dan dihte erenoamážit deattuhit eanet sámi gelbbolašvuođa mánáidgárddiin, vuođđooahpahusas ja alit oahpuin ođđa stuoradiggedieđáhusas.
Dan lassin ahte bivdit čálalaš cealkámušaid, de lágida departemeanta cealkámuščoahkkimiid. Vuosttaš čoahkkimat dollojuvvojedje Romssas ja Guovdageainnus, ja skábmamánu 30. b. lágiduvvo cealkámuščoahkkin Levangeris.
Stuoradiggedieđáhus galgá ovdanbuktojuvvot 2023 giđa. Áigemearri buktit cealkámušaid lea juovlamánu 15. beaivvi dán jagi.
Cealkámušat almmuhuvvojit dađistaga dán siiddus. Vástádusat main leat áitagat dahje gudnerihkkumat eai almmuhuvvo.