ONa álgoálbmotáššiid bistevaš fora
Artihkal | Maŋimuš ođasmahttojuvvon: 20.02.2020 | Gielda- ja guovlodepartemeanta
ONa álgoálbmotáššiid bistevaš fora lea ONa ekonomalaš ja sosiála ráđi (ECOSOCa) ráđđeaddi orgána. Fora galgá addit ráđiid ja rávvagiid áššiin mat gusket máilmmi álgoálbmogiid ekonomalaš ja sosiála ovdáneapmái, kultuvrii, oahpahussii, dearvvasvuhtii ja olmmošvuoigatvuođaide. Norga lea árjjalaččat oassálastán bargui man ulbmil lea leamaš ásahit ONa álgoálbmotáššiid bistevaš fora.
Fora vuosttaš sešuvdna dollojuvvui miessemánu 13. beaivvi rájes 23. beaivvi rádjai 2002, ja fora álgobargu orui leamen bures lihkostuvvamin. Ráđđehus áigu árjjalaččat doarjut Bistevaš fora barggu, man ulbmil lea oaččohit fora čállingotti ONa ekonomalaš ja sosiála ráđi lusa New Yorkii.